HLALANI NILINDILE!
Uzokhetha Muphi Umholi?—Lithini IBhayibheli?
Emasontweni ambalwa azayo, kuzobe kunokhetho ezindaweni ezihlukahlukene. Sikhuluma nje, abantu benza izinqumo ezibalulekile eziphathelene nokuthi yimuphi umholi abazomkhetha.
Lithini IBhayibheli?
Kunezinto abaholi abangabantu abangeke bazenze
IBhayibheli liziveza ngokusobala izinto abaholi abangabantu abangeke bazenze.
“Ningabeki ithemba lenu ezikhulwini, noma endodaneni yomuntu, engenakukwazi ukusindisa. Umoya wayo uyaphuma, iphindele emhlabathini; ngalolo suku imicabango yayo iyashabalala.”—IHubo 146:3, 4, umbhalo waphansi.
Ngisho nabaholi abanekhono bayafa, bebe bengenaso ngisho isiqinisekiso sokuthi labo ababalandelayo bazoqhubeka nayo imisebenzi yabo emihle.—UmShumayeli 2:18, 19.
Iqiniso yileli elishiwo yiBhayibheli, elithi abantu abasoze bakwazi ukuzibusa.
“[Umuntu] akalinikiwe igunya ngisho nelokuqondisa isinyathelo sakhe.”—Jeremiya 10:23.
Ukhona yini umuntu ongaba umholi okahle esikhathini sethu?
Umholi okhethwe uNkulunkulu
IBhayibheli liyachaza ukuthi uNkulunkulu ukhethe umholi onekhono nothembeke ukwedlula bonke abanye abaholi: uJesu Kristu. (IHubo 2:6) UJesu uyiNkosi yoMbuso kaNkulunkulu, okunguhulumeni obusa usezulwini.—Mathewu 6:10.
Uzomkhetha yini uJesu ukuba abe umholi wakho? IBhayibheli liyasho ukuthi kungani lesi sinqumo sibalulekile:
“Hloniphani indodana [uJesu Kristu], ukuze uNkulunkulu angavuthi ngolaka bese nishabalala endleleni, ngoba intukuthelo yakhe igqamuka ngokushesha. Bayajabula bonke abaphephela kuye.”—IHubo 2:12.
Kufanele usenze manje isinqumo. Isiprofetho esiseBhayibhelini sibonisa ukuthi uJesu waqala ukubusa ngo-1914 nokuthi uMbuso kaNkulunkulu uzobusa esikhundleni sabo bonke ohulumeni babantu.—Daniyeli 2:44.
Funda isihloko esithi “Khetha Ukusekela UMbuso KaNkulunkulu Manje!” ukuze uthole ukuthi ungabusekela kanjani ubuholi bukaJesu.
Okunye Ongase Ukuthande
INQABAYOKULINDA
Ubani OyiNkosi YoMbuso KaNkulunkulu?
Ababhali abaningana beBhayibheli babhala imininingwane egagula umuntu owayezoba iNkosi yoMbuso kaNkulunkulu. Kuwo wonke umlando wesintu uyedwa kuphela umuntu ongena khaxa kule ncazelo.
IZIMFUNDISO ZEBHAYIBHELI EZIBALULEKILE
Uyini UMbuso KaNkulunkulu?
Phakathi nenkonzo yakhe, uJesu wafundisa kakhulu ngoMbuso kaNkulunkulu kunanoma yini enye. Sekungamashumi eminyaka abalandeli bakhe bethandazela ukuba lowo Mbuso ufike.
IZIHLOKO EZENGEZIWE
Ithemba Langempela Lekusasa Elingcono
Kungani izithembiso eziseBhayibhelini zingafani nezinto eziphuma emilonyeni yabantu?
IMIBUZO YEBHAYIBHELI IYAPHENDULWA
Yini Eyofezwa UMbuso KaNkulunkulu?
Funda ukuthi yini ongayilindela lapho uhulumeni kaNkulunkulu ubusa phezu komhlaba.
AMAVESI EBHAYIBHELI AYACHAZWA
UMathewu 6:33 Uyachazwa—“Funani Kuqala Umbuso KaNkulunkulu”
Ingabe uJesu wayesho ukuthi amaKristu akumelwe asebenze ukuze aphile?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.
