AMAZWE NABANTU
Ukuvakashela E-Indonesia
I-INDONESIA yakhiwa iziqhingi ezingaba ngu-17 000. Abantu bakhona baziwa kakhulu ngokuba nobungane, isineke, inhlonipho nomoya wokungenisa izihambi.
Ngokuvamile e-Indonesia kudliwa ilayisi nokunye ukudla okuvame ukuba nezinongo, kanye nezithelo. Kwezinye izindawo, imikhaya idla ihleli ecansini, isebenzise iminwe ukuze ifake ezinye izinhlobo zokudla elayisini. Iningi labantu base-Indonesia lithi ukudla ngale ndlela kwenza ukudla kunambitheke kangcono.
Isithelo okuthiwa i-durian sinokhilimu oconsisa amathe ngaphakathi futhi abaningi bayasithanda naphezu kwephunga laso elibi
Abantu base-Indonesia bayazithanda ezobuciko, ukudansa nomculo. I-angklung iyithuluzi lomculo elivamile e-Indonesia; yenziwe ngamapayipi oqalo alengayo aboshelwe ohlakeni. La mapayipi enziwe ngendlela yokuba akhiphe umsindo noma imisindo edlala kanye kanye lapho enyakaziswa. Ukuze badlale ingoma ethile, abadlali abaningana kumelwe bahambisane, ngamunye anyakazise i-angklung yakhe ngesikhathi esifanele.
I-orangutan—evame kakhulu emahlathini emvula aseSumatra naseBorneo—iyisilwane esikhulu kunazo zonke emhlabeni ezilwaneni ezihlala ezihlahleni. Ikhonde eselikhule ngokugcwele lingase libe nesisindo esingamakhilogremu angu-90 nezingalo ezingafinyelela emamitheni amabili ubude
Kuze kwaba sekhulwini le-15, i-Indonesia ithonywe kakhulu ubuHindu kamuva kwaba ubuBuddha. Ngekhulu le-16, ubuSulumane base bulithonyile isiko lase-Indonesia. Abantu baseYurophu ababefuna izinongo bafika khona ngekhulu le-16 futhi bafika nezinkolo zabo zeLobukholwa.
Njengoba oFakazi BakaJehova baziwa umhlaba wonke ngomsebenzi wabo wokufundisa ngeBhayibheli, bebelokhu besebenza e-Indonesia kusukela ngo-1931. Njengamanje, bangaphezu kuka-22 000 futhi benza imizamo yokushumayela kubantu abayizithulu. Muva nje, bangaphezu kuka-500 abantu abayizithulu abaye baba khona emhlanganweni okhethekile wolimi lwezandla woFakazi BakaJehova wokukhumbula ukufa kukaJesu Kristu.
I-Phaphama! inyatheliswa ngezilimi ezingu-98, kuhlanganise nesi-Indonesia (esibizwa nangokuthi isiBahasa Indonesia)
Okunye Ongase Ukuthande
PHAPHAMA!
Ukuvakashela ENew Zealand
Nakuba iyisiqhingi esikude, akumangazi ukuthi iNew Zealand ivakashelwa abantu abaqhamuka kwezinye izindawo abangaphezu kwezigidi ezintathu ngonyaka, ngenxa yobuhle bayo. Yini ekhanga abantu kangaka kule ndawo?
PHAPHAMA!
Ukuvakashela EKazakhstan
Kudala, amaKazakh ayengahlali endaweni eyodwa isikhathi eside futhi ayehlala kuma-yurt. Indlela aphila ngayo manje iwabonisa kanjani amasiko okhokho bawo?
PHAPHAMA!
Ukuvakashela ESpain
Izwe laseSpain linezindawo ezingafani nabantu abahlukahlukene. Kunohlobo lokudla oluthandwa kakhulu iSpain esikukhiqiza kakhulu kunamanye amazwe.
PHAPHAMA!
Ukuvakashela EKyrgyzstan
Abantu baseKyrgyzstan baziwa ngokungenisa izihambi nenhlonipho. Yimaphi amasiko alawula ukuphila komndeni?
PHAPHAMA!
Ukuvakashela E-Uzbekistan
Funda okwengeziwe nge-Uzbekistan nangomlando ophathelene nokushintsha kwezinhlamvu zamagama akhona.
