INGOMA 111
Sinezizathu Zokujabula
-
1. Sinezizathu zok’jabula,
Ngokwand’ esikubonayo.
Ok’nxanelekayo kwezizwe
Kuzihlanganisa nathi.
Injabulo yeth’ ifanele,
Sisizwa yiZwi likaJah.
Silifundiswa nsuku zonke;
Lokho kuqinis’ ukholo.
Injabulo yeth’ ijulile,
Isuka enhliziyweni.
Nakuba sivivinywa njalo,
UJehov’ uyasiphasa.
(CHORUS)
Sijabula ngoJehova,
Nangemisebenzi yakhe,
Nemicabango ejulileyo,
Enokulunga namandla!
-
2. Sijabula ngendalo yakhe,
Izul’ ulwandle nomhlaba.
Njengoba sibheka indalo,
Sidumisa uJehova.
Sifakaza ngempumelelo,
Simemezela uMbuso.
Sibazisa yonke indawo,
Ngokusungulwa koMbuso.
Ukujabula kwaphakade,
Kusondela ngokushesha.
Izulu nomhlaba omusha,
Kuyoletha injabulo.
(CHORUS)
Sijabula ngoJehova,
Nangemisebenzi yakhe,
Nemicabango ejulileyo,
Enokulunga namandla!
(Bheka noDut. 16:15; Isaya 12:6; Joh. 15:11.)
