¡NANÍSI COLGUIGUAʼ!
2023: Toib íz ni goloʼ golú buñ ló galrrasaʼ | ¿Xí ná la Biblia?
Guirá ni góc ló guidopynac Gudxlio ló íz 2023 raslooyni que ma cabanyno ló ni ná la Biblia «dzú ni ma guidubylagaʼ» (2 Timoteo 3:1). Guirá ni cayac ló naareʼ radzakni né ni ná la Biblia. Guibiʼno tipnés ejemplos ni sieed reʼ.
La Biblia raniʼ ni tzagac
«Guerr né notísy de guerr» (Mateo 24:6).
«Galrradíil nogoluʼ cayacxiroʼni ló xidal lagary ló Gudxlio». a
Bibiʼ artículos reʼ «¿Chú salaa buñ ni diti nac soldad?» né « Rac gaxt más de 2 billón de dólares ló galsoldad ni noʼ ló guidopynac Gudxlio».
«Xoʼ rodann xitzca saʼ» (Marcos 13:8).
«Órni gosaló íz 2023 dada nigoreʼ ma godudy 13 xoʼ rodann de magnitud 7 o más nadip. Cós ni diti tampa góc ló dzú ni see». b
Bibiʼ artículo ni laa, «Terremotos devastadores en Turquía y Siria».
«Cós nadzuʼpy» (Lucas 21:11).
«Ma bilox godudyla Gudxlio. Né nís má cayac gobaa». (António Guterres, secretario general de las Naciones Unidas). c
Bibiʼ artículo ni laa, «Ola de calor mundial ló íz 2023».
«Galrralán» (Mateo 24:7).
«Íz 2023: Stoib íz ni ragoʼ buñ ló galrrasaʼ par guiyaʼan xfamil». d
Bibiʼ artículo ni laa, «La guerra y el cambio climático empeoran la crisis alimentaria mundial».
«Ló dzú ni ma guidubylagaʼ sieed tiemp nagan, né nagan par gony guantary buñ láani» (2 Timoteo 3:1).
«Toib de cada xhoon buñ raxoʼ xpensaryibu». e
Bibiʼ artículo ni laa, «El alarmante deterioro de la salud mental de los adolescentes».
¿Xí tzagac ló íz 2024?
Diti noʼ chú nan xi ni tzagac ló íz ni sieed. Per mod ni cayac ló guidopynac Gudxlio radudyni diitz que mápa mer Gobierno xtuny Dios ni noʼ guibá sioʼbu xalagary guirá gobiernos ni noʼ ló Gudxlio, né sabeʼbu guirá galrrioʼob ni ragoʼ lóono ló galrrasaʼ (Daniel 2:44; Apocalipsis 21:4).
Pal rioʼno ló galrrasaʼ, labúu guinabno xcalrracné Dios. La Biblia ná:
«Órni cadzubi, raapa confianz looy» (Salmo 56:3).
¿Ximod labúu guislooyno que rapno confianz lóo Dios? Raruʼdo looy guimbulo tipnés cós ni gony Dios ro ma diti sioʼ galrrioʼob. Gonab toib testigo xtuny Jehová guisuidy looy scásiʼ par ganlo ximod labúu gacné la Biblia looy né xfamilo.
a Foreign Affairs, «A World at War: What Is Behind the Global Explosion of Violent Conflict?» (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre íz 2023.
b Noticias de terremotos, «2023: La cantidad de grandes terremotos pronto batirá récords»; may íz 2023.
c Naciones Unidas, «Secretary-General’s Opening Remarks at Press Conference on Climate» (comentarios del secretario general sobre el clima en una rueda de prensa); 27 de july íz 2023.
d Programa Mundial de Alimentos, «Una crisis alimentaria mundial».
e Organización Mundial de la Salud, «Día Mundial de la Salud Mental»; 10 de octubre íz 2023.
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Xí ngú Gobierno xtuny Dios?
Órni Jesús goyoʼ ló Gudxlio goniʼbu de Gobierno xtuny Dios más que stoib cós. Ma por xidal íz buñ ni racanal Jesús ranab guieed Gobierno o Reino reʼ.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
