Profecía 1. Xo rodann

«Sioʼ xo rodann» (LUCAS 21:11).

● Notísy ni godudy ló televisión bisetlani ni góc gudx Haití buñ bieen que cayibdxaʼ toib badaʼyen lad yoʼ balaʼ ni biab. Toib nidxigonaʼyen ni laa Winnie, de tobiz gorol bidzel buñ láabu lad yoʼ balaʼ, láasibu bilaabu ló xo rodann reʼ, bixiosbu né xinaʼbu goity.

¿XÍ RADUDY DIITZ DATOS REʼ? Órni godudy xo rodann gudx Haití beʼo enero íz 2010, goity más de 300.000 buñ né 1.300.000 buñ tiptisi binitló lidx. Ná xo rodann nigolú nadzuiby gocni, diti nosi ngú goyoʼ ló guidopynac Gudxlio. Beʼo abril íz 2009 dada abril íz 2010 goyoʼ dieciocho xo rodann.

BUÑ DITI RONY CRER. Nigoreʼ diti cayac más xo rodann, ni nacni la, tecnología ni noʼ ló naareʼ ngú ni raiby lóono xi ni cayac ló guidopynac Gudxlio.

¿LABÚU GUININO QUE SCÚ NACNI LA? Guisetnaladxno que la Biblia diti rasetlani balac xo rodann tzoʼ dzú ni ma guidubylagaʼ. Xalagary ngú raniʼni que sioʼ «xo rodann» «xitzca saʼ», né por ngú, xo rodann nareʼ loguiaʼ tiemp reʼ (Marcos 13:8; Lucas 21:11).

¿XÍ RONYLO PENSARY? ¿Ló naareʼ cayac xo rodann xomod goniʼ la Biblia la?

Xo rodann ni cayac sigory diti radudyni toib prueby de que ma rabésno ló dzú ni ma guidubylagaʼ; per ndeʼ rony cumplir toib profecía. Guisuidyno stoib.

[Comentario]

«[Lóodo ni nacdo geofísicos] ranido, godudy toib xo rodann. Per par stipnés buñ nacni cós nadzuʼpy» (KEN HUDNUT, SERVICIO GEOLÓGICO DE ESTADOS UNIDOS).

[Reconocimiento]

© William Daniels/Panos Pictures