Laa Dios ngú Jehová, né radudyni diitz que «láabu ronybu que guidxin gac». Jehová nac Dios ni nap xiroʼgolu galnadip né bisaʼbu guirá cós ni noʼ. Napbu galnadip par gonybu guirá ni ma goniʼbu gonybu.

Ló diitz hebreo, laa Dios racáni né tap letras. Ló dixtil, racáni né letras ni rimbuno xomod YHWH o JHVH (láaca racáni xomod YHVH). Ló texto hebreo ni cuá la Biblia nírcu, laa Dios sieedni midid gatz mil buelt. Buñ de guidopynac Gudxlio raquiinyibu laa Jehová de xidal mod né raniʼyibu láani ló xtiitzyibu.

▸ Cap. 1, párr. 15, nota ni sieed ñeʼ guiich

Dios bisaʼ la Biblia, per biquiimbu buñgudxlio par bicaʼ láani. Nacni xomod órni toib buñguieeu ranab xiin guicaʼ toib guiich. ¿Chú xpensary caa ló guiichcu? Xpensary bixiosbu, diti xpensary xiimbu. Scúca, espíritu xtuny Dios golonés layibu par nacaʼyibu xpensary Dios. Por ejemplo, rioʼ ór bibiʼyibu visiones o goniʼ xcaʼalyibu né bicaʼyibu láani ló guiich.

▸ Cap. 2, párr. 5

Litz ni sieed ló la Biblia nacni tipnés galrrasuidy ni diti tampa nagan né rasuidyni lóono cós ni rasac. Por ejemplo, litz ni ná: «Pal radzakto buñ mal, sasnito costumbres tzaay ni napto» rasuidyni lóono que naguel rasuʼno mod rony buñ ni radzakno, ná pal nacni cós tzaay o cós mal (1 Corintios 15:33). Né litz ni ná: «Ni cadxiʼp buñ, ngú satop» rasuidyni lóono que diti salaano de guirá cós ni gonyno (Gálatas 6:7).

▸ Cap. 2, párr. 12

Nacni mensajes xtuny Dios. Rioʼ ór rabexani ni nainy Dios gony, ni rony mandarybu o ni guisaclóo buñ mal. Láaca rioʼ ór raniʼni tipnés cós ni gac ló dzú ni sietra. Xidal profecías xtuny la Biblia ma góc cumplirni.

▸ Cap. 2, párr. 13

Guirá profecías ni sieed ló la Biblia ni goniʼ de Mesías góc cumplirni lóo Jesús. Bibiʼ ni ná cuadriyen « Profecías ni raniʼ de Mesías».

▸ Cap. 2, párr. 17, nota ni sieed ñeʼ guiich

Jehová goniiny que Gudxlio ñacni toib lagary móz ro nabés buñ ni ñonladx láabu. Né ni goniʼbu diti ma bidzaʼni. Mápa mer sanitlóbu cós mal, né buñ ni guisobdiitz láabu sabany tipzó.

▸ Cap. 3, párr. 1

Láabu ngú toib ángel ni gosaló cualó Dios. Rareʼ laabu Buñdzab né ndeʼ radudy diitz «ni racaló», portín racalóbu Jehová. Láaca radudyni diitz «ni raniʼ por galrrascú», portín raniʼbu por galrrascú de Dios né rascúbu buñ.

▸ Cap. 3, párr. 4

Jehová bisaʼ ángeles antes de nasaʼbu Gudxlio. Bisaʼbu ángeles par guibany lainy guibá. Noʼ más de tigayoʼ millón ángeles (Daniel 7:10). Tigaagayibu noʼ laayibu né gadzé mod nacyibu. Ángeles ni rony ni ná Dios nacyibu buñdxo, por ngú diti raniiny layibu que buñgudxlio gony adorar layibu. Ángeles napyibu xidal clas dxiin. Tipnés dxiin ni napyibu ngú: ronyibu dxiin nisló trono xtuny Jehová, raniʼyibu mensajes ni sieed de Dios, ranyibu né rasanésyibu xpiin Dios ló Gudxlio, ragaityibu xi enemig Dios né racnéyibu buñ par guiniʼ diitz sacró de Gobierno xtuny Dios (Salmo 34:7; Apocalipsis 14:6; 22:8, 9). Ló dzú ni sietra, ángeles sacyibu toibsi né Jesús par tíilyibu ló guerr ni laa Armagedón (Apocalipsis 16:14, 16; 19:14, 15).

▸ Cap. 3, párr. 5; cap. 10, párr. 1

Buñ ma cayony galkié pal rasacbu, pal ronybu pensary o pal ronybu cós mal nisló Jehová. Órni ronyno galkié ndeʼ rony que ralsitno de Dios. Por ngú, bidudybu leyes né litz ni gacné lóono par diti nompa gonyno galkié. Dzú gosaló goyaʼ guirá cós, Jehová bisaʼ láani sin galkié. Per Adán né Eva diti bisobyibu Dios. Órni bunyibu láani, gocyibu buñ galkié. Bioʼxyibu né goityibu. Adán bitudy galkié lóono, por ngú láaca rioʼxno né raityno.

▸ Cap. 3, párr. 7; cap. 5, párr. 3

Nacni guerr ro guinitló Dios xcudxliogox Buñdzab né guirá cós mal ni noʼ loni.

▸ Cap. 3, párr. 13; cap. 8, párr. 18

Nacni toib gobierno ni Jehová ma goloʼ lainy guibá. Rey ni gony mandary ló Gobierno reʼ ngú Jesucristo. Ló dzú ni sietra, Jehová saquiimbu Gobierno reʼ par guinitlóbu guirá cós mal. Gobierno xtuny Dios sony mandary guidopynac Gudxlio.

▸ Cap. 3, párr. 14

Jesús ngú ni primerdiguieʼ bisaʼ Dios. Jehová bixelbu Jesús par ñaity por guiráxadit buñ. Después ni goitybu, Jehová golís láabu lad gueʼet. Nigoreʼ, Jesús ma cayony mandary lainy guibá xomod Rey de Gobierno xtuny Dios.

▸ Cap. 4, párr. 2

La Biblia goniʼ pu dzú guirecaa Mesías. Nadxiimbu después de 69 xomal, ni gosaló íz 455 antes de xtzúno (a.x.) né biloxni íz 29 ló xtzúno (l.x.).

¿Ximod nanno que tiemp reʼ biloxni ló íz 29 ló xtzúno? Portín 69 xomal gosalóni ló íz 455 antes de xtzúno, órni Nehemías bidxin gudx Jerusalén né gosalóbu bisaʼbu gudxcu stoib (Daniel 9:25; Nehemías 2:1, 5-8). Xomod diitz xomal ronyni que gonyno pensary ló número 7. Xomal ni ritlaa ló profecía reʼ diti nacni xomal ni nap 7 govitz, nacni xomal de 7 íz. Ndeʼ noʼni de acuerdo mod sieed ló la Biblia: «Toib dzú por toib íz» (Números 14:34; Ezequiel 4:6). Ndeʼ radudy diitz que tigaaga xomal raclani 7 íz né 69 xomal raclani 483 íz (69 multiplicado por 7). Pal ragabno 483 íz desde íz 455 antes de xtzúno, radxinno ló íz 29 ló xtzúno (ma diti noʼ íz cero). Ló íz 29 goyonis Jesús, né bidxin gócbu Mesías (Lucas 3:1, 2, 21, 22).

 Profecía reʼca rasetlani stoib xomal más, ndeʼ radudy diitz sagatz íz. Ló tiempcu bigaityibu Mesías. Ndeʼ góc ló íz 33 ló xtzúno. Né ló íz 36 gosalóyibu goniʼyibu diitz sacró de Gobierno xtuny Dios a guirá clas buñ, diti nosi buñ judíos (Daniel 9:24-27).

▸ Cap. 4, párr. 7, nota ni sieed ñeʼ guiich

La Biblia rasuidy que Jehová bisaʼ guirá cós né láabu bisaʼbu Jesús antes de nasaʼbu guirá cós ni noʼ (Colosenses 1:15, 16). Jesús diti nacbu Dios ni nap xiroʼgolu galnadip. Láabu dipa goniʼbu que gócbu suusi nac Dios. Ni goniʼbu ngú: «Bixiosa lagolbu lóoya» (Juan 14:28; 1 Corintios 15:28). Per tipnés religión rasuidyibu que noʼ tzón buñ ni nac toibsi Dios. Náyibu que Padre, Hijo né espíritu santo nacyibu tzón buñ, per nosi noʼ toib Dios. Diitz trinidad diti sieedni ló la Biblia. Nacni toib galrrasuidy falz.

Espíritu santo nacni fuers xtuny Dios. Nacni xcalnadip Dios ni rony dxiin, ni raquiimbu par gonybu ni nábu. Diti nacni toib buñ. Por ejemplo cristianos ni bibany ló siglo primero «cuaʼyibu espíritu santo». Né Jehová goniʼ: «Sasiaba tidxó espíritu xtuni laidy guirá clas buñ» (Hechos 2:1-4, 17).

▸ Cap. 4, párr. 12; cap. 15, párr. 17

¿Xigony cristianos ni rasuidy xinésni diti raquiinyibu crois par gony adoraryibu Dios?

1. Ma xidzú íz religión falz caquiin crois. Ló dzú ni see, biquiinyibu crois par buny adoraryibu cós ni goyaʼ né par bienyibu dioxh falz órni bunyibu galyoxh. Tzongayoʼ íz después de goló goity Jesús, cristianos diti biquiinyibu crois par ñony adoraryibu Dios. Per toib emperador romano Constantino bunybu que buñ naquiin crois xomod ni rony representar cristianismo. Biquiinyibu crois par diti nasac nagan buñ pagan ñac cristianos. Per Jesucristo diti cuábu ló toib crois. Toib libro católico ná: «Desde dzú yása guieed Jesús buñ biquiin crois né buñ ni diti cuanal Jesús láaca biquiin láani» (New Catholic Encyclopedia).

2.   Jesús diti goitybu ló toib crois. Diitz griego ni rac traducir «crois» rarexani xomod «poste» o «yac nadop». Toib traducción xtuny la Biblia rabexani que ló diitz griego ni cuá Nuevo Testamento «dipa radudyni diitz choplaʼ yac ni radudylaʼk ló saʼ» (The Companion Bible). Jesús goity ló toib poste o yac nadop.

3. Jehová diti rioladx guiquiinno dioxh falz o stipnés cós par gony adorarno láabu (Éxodo 20:4, 5; 1 Corintios 10:14).

▸ Cap. 5, párr. 12

Jesús buny mandarybu xpiimbu nasetnaladx xcalgoitybu. Cristianos guirá íz ronyibu ndeʼ, dzú 14 beʼo judío de nisán, ló calendary xtunyno riabni ló beʼo marz o abril. Dzúcuca israelitas bunyibu lanii Pascua. Ló Memorial, radudy páa né vino ladxña guirá buñ, páa rony representarni cuerpo xtuny Jesús, vino rony representarni xiruny Jesús. Guirá ni gony mandary né Jesús lainy guibá rooyibu páa né reʼyibu vino. Guirá ni guibany ló Gudxlio por tipzó, radopyibu ló Memorial né ronyibu láani né respet, per diti rooyibu páa nili reʼyibu vino.

▸ Cap. 5, párr. 21

Ló Traducción del Nuevo Mundo, raquiinyibu diitz alma órni raniʼyibu de 1) buñ, 2) nimal o 3) vida xtuny toib buñ o xtuny toib nimal. Guibiʼno tipnés ejemplos:

• Buñ. «Ló xtzú Noé, [...] chop tzónsi buñ, xhoon almas, bilaa ló nís» (1 Pedro 3:20). Reʼ diitz almas radudyni diitz buñgudxlio: Noé, tzeelbu, guionca xiimbu né guionca xolidxbu.

• Nimal. «Dios goniʼ: Guidal ló gudxlio guirá almas de cada clas: nimal nadaʼa, nimal ni rasoblainy né nimal guiʼix ni noʼ ló gudxlio de cada clas. Né scú gocni» (Génesis 1:24, nota).

•  Vida xtuny buñ o xtuny nimal. Jehová gochbu Moisés: «Guirá buñguieeu ni biyopy alma xtunylo ma goityibu» (Éxodo 4:19, nota). Órni Jesús goyoʼbu ló Gudxlio goniʼbu: «Naʼ nga pastor tzaay, toib pastor tzaay ronycuent alma xtuny par guilaa xiil ni nap» (Juan 10:1, nota).

  Láaca, órni la Biblia ná que toib buñ rony toib cós né guidopynac alma xtuny, radudyni diitz que ronybu láani né guidopynac xcalnabanybu né ronybu rutirigaʼlni láabu (Deuteronomio 6:5; Mateo 22:37). Órni ló la Biblia ritlaa diitz alma, láaca radudyni diitz ni raniiny gony toib buñ (Proverbios 23:2, nota; Isaías 56:11, nota). La Biblia láaca náni que gueʼet nacni toib «alma ni ma goity» (Números 6:6, nota; Ageo 2:13, nota). Scú láani la Biblia nayadit raniʼ que alma raity (Ezequiel 18:4, 20; Santiago 5:20, nota).

▸ Cap. 6, párr. 5, nota ni sieed ñeʼ guiich; cap. 15, párr. 17

Ló diitz hebreo né griego ni rac traducir «espíritu» ló Traducción del Nuevo Mundo labúu guirexani de xidal mod. Per guirá ór radudyni diitz cós ni diti labúu rabiʼ buñ, xomod buu o buu ni racaʼ buñ o nimal. Láaca labúu guidudyni diitz ángeles né espíritu santo, ndeʼ radudy diitz xcalnadip Dios. La Biblia diti rasuidyni que noʼ ni rareʼ laidyno ni rilés stoib lagary órni raityno (Éxodo 35:21; Salmo 104:29; Mateo 12:43; Lucas 11:13).

▸ Cap. 6, párr. 5, nota ni sieed ñeʼ guiich; cap. 15, párr. 17

Tipnés Biblias rony traducir diitz griego reʼ xomod «infierno». Per Gehena nacni laa toib lagary ni goyoʼ gudx gool Jerusalén ro bisapy buñ guix né bicaʼ guii láani. Diti noʼ prueby que ló xtzú Jesús lagarycu natudyibu ló  castig o nasaʼijyibu buñ né nimal ni nabanysa. Por ngú Gehena diti rony representarni toib lagary ni diti rabiʼ buñ ro gueʼet radudy ló castig né raʼij por tipzó. Órni Jesús goniʼ que tipnés buñ sieeyibu ló Gehena bidudybu diitz que guirá buñcu sanitló por tipzó (Mateo 5:22; 10:28).

▸ Cap. 7, párr. 20

Nacni toib oración ni bisuidy Jesús xpiin mod guininéno Dios. Láaca rimbu buñ láani xomod laay. Jesús bisuidy lóono guinabno lóo Dios modreʼ:

• «Gac nayaa laalo»

  Ranabno lóo Jehová guisiaabu laabu de guirá galrrascú ni ma goniʼ buñ de láabu. Modreʼ, guirá ni noʼ lainy guibá né ni noʼ ló Gudxlio sonyxiroʼyibu né sapyibu respet laa Dios.

• «Guieed Gobierno xtunylo»

  Ranabno que guieed Gobierno xtuny Dios par guinitló xcudxliogox Buñdzab, né gony mandaryni Gudxlio né gonyni que Gudxlio gacni toib lagary móz.

• «Gac ni nálo [...] ló gudxlio»

  Ranabno que gac cumplir ni ma goniʼ Dios gony ló Gudxlio: que buñ ni guisob ni nábu diti sap galkié né sabanyibu tipzó ló Gudxlio móz. Ngú ni goniiny Jehová órni bisaʼbu buñ.

▸ Cap. 8, párr. 2

Jehová bixel Jesús goity por lóono par nabeʼbu lóono ladxña galkié né galgoity. Jesús goity par labúu biax galkié ni buny Adán. Láaca xcalgoity Jesús racnéni buñ guidzakyibu Dios. Jehová bixelbu Xiimbu par ñaity por guiránac buñ galkié. Por ni goity Jesús, guirácano labúu sabanyno tipzó né ma diti sapno galkié.

▸ Cap. 8, párr. 21; cap. 9, párr. 13

Profecía ni sieed ló capítulo 4 xtuny Daniel rasuidyni lóono que Gobierno xtuny Dios gosaló buny mandary íz 1914.

Profecía. Jehová buny que Nabucodonosor, rey xtuny Babilonia, ñap toib bacaʼal ni ñac cumplir ló dzú ni sietra. Ló bacaʼal reʼ, reycu bibiʼbu ximod raroc toib yac roʼ. Después de ngú bilipyibu yacloocu né toib cinturón de hierro né de cobre par diti naniʼsni ló «gatz tiemp». Órni nalox tiempcu, yac reʼ nagaʼni stoib (Daniel 4:1, 10-16).

Mod rarexani. Yac roʼcu rony representarni Gobierno xtuny Dios. Por xidal íz Dios biquiimbu reyes par ñony mandary lainy gudx Jerusalén né modcu golonésbu gudx Israel (1 Crónicas 29:23). Per guirá reyes reʼ diti bisobdiitzyibu Dios, né xcalmandaryibu biloxni. Jerusalén binitlóni ló íz 607 antes de xtzúno (a. x.). Ló ízcu gosaló «gatz tiemp» (2 Reyes 25:1, 8-10; Ezequiel 21:25-27). Jesús goniʼ que «buñ ni diti nac judíos sotñeʼyibu Jerusalén dada guisaʼ dzú ni ma biliña par buñ ni diti nac judíos». Tiemp ni ritlaa reʼ láacani ngú «gatz tiemp» (Lucas 21:24). Por ngú «gatz tiemp» diti biloxni órni Jesús goyoʼ ló Gudxlio. Jehová goniʼ que nabúbu toib Rey órni nalox «gatz tiemp» reʼ. Rey reʼ ngú Jesús. Láabu sadudybu galnasác por tipzó a xpiin Dios ni guibany ló Gudxlio (Lucas 1:30-33).

Tiemp ni goclani. «Gatz tiemp» reʼ goclani 2.520 íz. ¿Ximod nanno que «gatz tiemp» reʼ nacni 2.520 íz? La Biblia ná que tzón tiemp gorol nacni 1.260 dzú (Apocalipsis 12:6, 14). Por ngú «gatz tiemp» nacni 2.520 dzú. Xomod ná la Biblia: «Toib dzú por toib íz» (Números 14:34; Ezequiel 4:6). Labúu guinino que 2.520 dzú nacni 2.520 íz.

 Pal ragabno 2.520 íz desde íz 607 antes de xtzúno, radxinno ló íz 1914 (diti noʼ íz cero). Ló íz 1914, Jehová golúbu Jesucristo par ñac Mesías, Rey ni noʼ lainy guibá.

▸ Cap. 8, párr. 23

Diitz arcángel radudyni diitz «jefe ni rasanir nisló ángeles». Ló la Biblia, nosi ritlaa toib arcángel, né laabu Miguel (Daniel 12:1; Judas 9).

Miguel rasanir nisló xidalguixo ángeles ni rasob ni ná Dios. La Biblia ná: «Miguel né ángeles xtuny cualóyibu dragón [...] né ángeles xtuny» (Apocalipsis 12:7). Láaca náni que Jesús ngú ni rasanir ló xidalguixo ángeles. Por ngú Jesús láaca laabu Miguel (Apocalipsis 19:14-16).

▸ Cap. 9, párr. 4, nota ni sieed ñeʼ guiich

Ndeʼ radudy diitz toib tiemp antes que Gobierno xtuny Dios guinitló xcudxliogox Buñdzab. Ló tiemp reʼ sabiʼno cós ni nigolú rasac ló Gudxlio. Profecías ni sieed ló la Biblia raquiinni diitz reʼca órni rasetlani «órni ma guidubylagaʼ gudxliogoxreʼ» né «órni ma noʼ Xiin Buñgudxlio» (Mateo 24:3, 27, 37). «Dzú ni ma guidubylagaʼ» gosalóni órni Gobierno xtuny Dios gosaló buny mandary lainy guibá íz 1914, né saloxni órni xcudxliogox Buñdzab guinitlóni ló guerr ni laa Armagedón (2 Timoteo 3:1; 2 Pedro 3:3).

▸ Cap. 9, párr. 2

Ndeʼ radudy diitz órni Dios ronybu que toib buñ ni ma goity guibany stoib. La Biblia rasetlaa gaʼ buñ ni biás lad gueʼet. Dios bidudy galnadip a Elías, Eliseo, Jesús, Pedro né Pablo par nalísyibu buñ lad gueʼet. Jehová radudy xtiitz guilís tanli buñ «ni buny xinésni» né tanli buñ «ni diti buny xinésni» par guibanyibu ló Gudxlio (Hechos 24:15). La Biblia láaca náni que tipnés buñ siásyibu par guibanyibu lainy guibá. Guirá buñreʼ nacyibu cristianos ni Dios ma golú par guibany lainy guibá toibsi né Jesús (Juan 5:28, 29; 11:25; Filipenses 3:11; Apocalipsis 20:5, 6).

▸ Cap. 9, párr. 13

Galchiser láani ngú órni toib buñ rayopy mod guininé espíritus, ná pal láapabu ronybu láani o raquiimbu xcalrracné toib buñ bruj, toib curander o buñ chiser. Mal láani. Buñ ni rony galbruj o galchiser raluladxyibu que noʼ ni rareʼ laidyno ni rilés stoib lagary né racni toib espíritu ni nap galnadip. Per crenys reʼ nacni toib galrrascú. Demony rayopyibu mod diti guisobdiitz buñ Dios. Tipnés buñ raquiin baraj, rayopyibu buñ par goʼol ladxñayibu o rayopyibu ximod rarexa toib bacaʼal ndeʼ nac tipnés galrrascú ni raquiin demony. Xidal libros, revistas, horóscopos, películas, música, galrraguit o nitisi cós ro ritlaa de demony raslooyni que guirá ndeʼ nac cós tzaay o cós sacróyen. Xidal costumbres ni rony buñ órni ragach gueʼet radzakni né demony. Lad guirá costumbres reʼ noʼ órni buñ raxelcaʼ ni rony rosair, órni ronyibu velory, órni ronyibu xilanii gueʼet, órni ronyibu lanii xant né stipnés cós. Xidal buñ raquiinyibu drogas, ragobyibu gues né reʼyibu alcohol, par guiquiinyibu xcalnadip demony (Gálatas 5:20, 21; Apocalipsis 21:8).

▸ Cap. 10, párr. 10; cap. 16, párr. 4

Jehová ngú Dios ni nap xiroʼgolu galnadip né láabu bisaʼbu guirá ni noʼ lainy guibá né ló Gudxlio (Apocalipsis 15:3). Por ngú guirá cós ni noʼ nacni xtunybu, né nosi láabu napbu derech par gony mandarybu guirá ni noʼ (Salmo 24:1; Isaías 40:21-23; Apocalipsis 4:11). Jehová ma goloʼ leyes loguiaʼ guirá cós ni ma bisaʼbu. Láaca napbu derech par guiniʼbu chú gony mandary. Pal nadxiʼno Dios né rasobdiitzno láabu, raslooyno que rony apoyarno derech ni napbu o xcalmandarybu (1 Crónicas 29:11).

▸ Cap. 11, párr. 10

Mal láani órni toib buñgonaʼ nompa ratudy xiin. Desde órni toib buñgonaʼ rac xiin, rasaló riaʼ toib buñ lainybu. Badaʼcu ma nacbu toib buñ ni nabany.

▸ Cap. 13, párr. 5

Láani ngú órni doctor ragoʼ runy laidy toib buñ, ná pal nacni runypa o cós ni nap runy xomod: plasma, glóbulos rojos, glóbulos blancos né plaquetas. Labúu gacni xiruny stoib buñ o xirunycabu ni notzay.

▸ Cap. 13, párr. 13

Ló la Biblia, diitz disciplina diti nosi ritlani órni raniʼni de toib castig. Órni racaʼno disciplina, ndeʼ radudy diitz que rasuidyibu lóono, ragonésyibu lóono né dada racaʼno corrección. Jehová diti nacbu buñ mal o nachóngbu órni rony corregirbu lóono (Proverbios 4:1, 2). Disciplina xtuny Dios natzayni por ngú buñ dada nadxiʼ láani (Proverbios 12:1). Jehová rasuidy né rony disciplinar xpiin por galnadxiʼ. Raibybu xpiimbu ximod guitzaʼyibu mod nacyibu, né ngú rasuidy layibu gonyibu pensary né gonyibu xomod rioladx Dios. Órni buñ rony corregir ximbiox, non guisuʼyibu ejemplo xtuny Jehová. Non gacnéyibu ximbioxyibu guieen xigony non guisobyibu. Láaca non guisuidyibu xiinyibu gandxiʼ Jehová, gandxiʼ la Biblia né gacnéyibu xiinyibu guieen xilitz la Biblia.

▸ Cap. 14, párr. 13

Nacyibu espíritu mal ni diti labúu rabiʼno né más nadipyibu que buñgudxlio. Bidxin gocyibu ángeles mal órni diti bisobyibu Dios né gocyibu xi enemig Dios (Génesis 6:2; Judas 6). Gocyibu toibsi né Buñdzab órni cualóyibu Jehová (Deuteronomio 32:17; Lucas 8:30; Hechos 16:16; Santiago 2:19).

▸ Cap. 16, párr. 4