¿Xí ronylo pensary de ló dzú ni sietra?

BICAʼ GUII LÁANI LÓ

¿Gudxliogox ro rabésno...

... diti sadzaʼni la?
... gacxiroʼ cós mal loni la?
... sioʼ dzú gacni sacroyen la?

NI NÁ LA BIBLIA

«Dios [...] sasiá nís ni rareʼ bisalóto, galgoity ma diti sioʼni más, ma diti sioʼ ni guisac maláy, láaca ma diti sioʼ ni guicalas rudx, láaca diti sioʼ ni tudy ló galrrioop. Cós ni ma góc ma godudyni.» (Revelación 21:3, 4, Traducción del Nuevo Mundo.)

MOD RACNÉNI LOOY

Dxiin sacró ni guioladxlo gonylo (Isaías 65:21-23).

Ma dipa saxoʼlo né ma dipa sadudylo ló galrrioop (Isaías 25:8; 33:24).

Por tipzó sabanylo né xfamilylo né ximiglo goxtiguie (Salmo 37:11, 29).

¿LABÚU GUILULADXNO NI RASUIDY LA BIBLIA LA?

Scú láani, nigoreʼ nosi guisetlano chop razón:

Dios nap galnadip par gony cumplir ni raniʼ. Ló la Biblia nosi Jehová Dios rareʼ laa ni nap «Xiroʼgolu galnadip», portín diti sioʼ dzú sadopy xcalnadipbu (Revelación 15:3). Por ngú, labúu sony cumplirbu xtiitzbu guitzábu mod nac gudxliogoxreʼ par gacni sacroyen. La Biblia ná scareʼ: «Par Dios guirá cós labúuni» (Mateo 19:26).
Dios raniiny gony cumplir ni ma goniʼ. La Biblia ná que Jehová raniiny guilís buñ ni ma goity (Job 14:14, 15).

Láaca raslooyni que Jesús ni nac Xiin Dios bisial buñguitz. ¿Xigony bunybu láani? Portín bireʼni lainy xcalnabanybu (Marcos 1:40, 41). Jesús xomodca Bixiosbu, raniiny gacnébu buñ ni caquiin galrracné (Juan 14:9).

Por ngú labúu guinino que Jehová né Jesús, raniiny layibu gacnéyibu lóono par guibanyno sacroyen ló dzú ni sietra (Salmo 72:12-14; 145:16; 2 Pedro 3:9).