LESIONY 24
¿Xí ná la Biblia de ángeles ni noʼ?
Jehová raniiny guimbuno xfamilbu ni noʼ lainy guibá. Lad famil reʼ noʼ ángeles, láaca rimbuno layibu xomod «xiin Dios» (Job 38:7). ¿Xí rasuidy la Biblia de ángeles? ¿Ximod racnéyibu buñ? ¿Guirá ángeles ni noʼ nacyibu xfamil Dios la?
1. ¿Chú layibu nac ángeles?
Antes de nasaʼ Jehová Gudxlio, bisaʼbu ángeles. Xomodca láabu ángeles reʼ nacyibu espíritus, diti labúu rabiʼno layibu né rabésyibu lainy guibá (Hebreos 1:14). Noʼ xidal millón de ángeles né diti toibsi mod nacyibu (Apocalipsis 5:11). Layibu «rasobyibu né ronyibu ni ná Jehová» (Salmo 103:20). Ló dzú ni see, Jehová biquiin ángeles par ñoʼ ni ñaibybu buñ par labúu ñacnéyibu né par labúu nalaa xcudxbu. Ló naareʼ, ángeles ragonésyibu xpiin Jehová par labúu guidzelyibu buñ ni ná gan más de Dios.
2. ¿Chú layibu nac Buñdzab né demony?
Tipnés ángeles diti bisobyibu ni ná Jehová. Primer ángel ni góc nayaʼ ndeʼ nac «ni rabeʼyibu laa Buñdzab, ni cascú guiránac buñgudxlio» (Apocalipsis 12:9). Buñdzab goniiny ñony mandarybu stipnés buñ, bikíilbu primer galtzeʼel par ñac nayaʼ nisló Dios. Né después bunybu que stipnés ángeles ñony scúca. Guirá ángeles ni góc nayaʼ rareʼ laayibu demony. Jehová bilaʼk layibu de guibá né bisal layibu ló Gudxlio, né sanitlóyibu (bíil Apocalipsis 12:9, 12).
3. ¿Xí rony Buñdzab né demony par guiscú lóono?
Buñdzab né xidemony rascúyibu xidalguixo buñ né raquiinyibu espiritismo, ro raquiinyibu xcalrracné demony. Por ejemplo, tipnés buñ rieeyibu nisló astrólogos, adivinos, videntes, curander né nisló buñ bruj. Noʼ tipnés buñ ni rayopy remeidy ni radzak né galchiser. Né tipnés buñ rony crer que labúu guininéyibu gueʼet. Jehová raiby lóono: «Diti guiyopyno xcalrracné buñ bruj nili buñ chiser» (Levítico 19:31). Raibybu lóono ndeʼ par diti guiscú Buñdzab né xidemony lóono, portín nacyibu xi enemig Dios né nainy layibu gonyibu mal lóono.
NANOY GUISUIDYNO LÁANI
Guisetlano cós tzaay ni rony ángeles né xigony raquiin gapno cuidad de galchiser. Láaca guisuidyno xi raquiin gonyno par diti noʼ xi gony Buñdzab né xidemony lóono.
4. Ángeles racnéyibu buñ par guimbuyibu Jehová
Ángeles diti lápayibu rony predicaryibu buñ. Ni ronyibu ngú racnéyibu xpiin Dios par guidzelyibu buñ ni ná guimbu láabu. Colgoʼol Apocalipsis 14:6, 7 né colgooy xtiitzni:
-
¿Xigony raquiinno xcalrracné ángeles órni ranino xtiitz Dios?
-
¿Rasaclo sacró ni nanlo que ángeles ragonésyibu looy par guidzelo buñ ni ná gan ni ná la Biblia la? ¿Xigony?
5. Goleʼ espiritismo tiplad
Buñdzab né demony nacyibu xi enemig Jehová né láaca nacyibu xi enemigno. Colgoʼol Lucas 9:38-42 né colgooy xtiitzni:
-
¿Xí láani rony demony a buñ?
Diti nainy lóono guidudyno lagary que demony tzoʼ né lóono. Colgoʼol Deuteronomio 18:10-12 né colgooy xtiitzni:
-
¿Xí láani rony demony par guininéyibu né gony mandaryibu lóono? ¿Xí cós ni radzak né espiritismo rony buñ lagary ro rabéslo?
-
¿Nálo que láani ngú que Dios diti radudy lagary guidzakno buñ chiser la? ¿Xigony?
Colguibiʼ VIDEO reʼ né colgooy xtiitzni:
-
¿Nálo que ni gool yainyña xpadaʼ Palesa gocni toib riesga la? ¿Xigony?
-
¿Xí láani buny Palesa par diti ñoʼ xi ñony demony láabu?
Cristianos ni rasuidy xinésni guirá ór racalóyibu demony. Colgoʼol Hechos 19:19 né 1 Corintios 10:21, né colgooy xtiitzni:
-
¿Xigony non guinitlólo guirá cós ni radzak né galchiser?
6. Buny gan Buñdzab né xidemony
Demony noʼ xan xomandary Buñdzab. Per ángeles ni rasob noʼyibu xan xomandary arcángel Miguel, ndeʼ nac stoib laa Jesús. ¿Balaati galnadip nap Miguel? Colgoʼol Apocalipsis 12:7-9 né colgooy xtiitzni:
-
¿Chú nap más galnadip: Miguel né ángeles xtuny la, o Buñdzab né xidemony?
-
Xpensarylo, ¿xpiin Jesús non guidzuibyibu Buñdzab né xidemony la?
Looy labúu gonylo gan Buñdzab né xidemony. Colgoʼol Santiago 4:7 né colgooy xtiitzni:
-
¿Xí labúu gonylo par diti noʼ xi gony Buñdzab né xidemony looy?
TIPNÉS BUÑ NÁ: «Diti mal kit buñ videojuegos né guibiʼ buñ películas ni nap galchiser. Nosi nacni toib galrraguitien».
-
¿Xigony nacni toib riesga gony buñ pensary modreʼ?
¿XÍ BISUIDYLO?
Ángeles ni rasob a Dios racnéyibu lóono. Buñdzab né xidemony nacyibu xi enemig Jehová né raquiinyibu galchiser o galbruj par guiscúyibu buñ.
Repas
-
¿Xí rony ángeles xtuny Jehová par guimbu buñ láabu?
-
¿Chú layibu nac Buñdzab né xidemony?
-
¿Xigony diti láani ngú guiyopylo xcalrracné nitisi cós ni radzak galbruj o galchiser?
PAR GANLO MÁS
Gon xigony Jesús nacbu arcángel Miguel.
«¿Chú láabu ngú arcángel Miguel?» (Artículo ni sieed ló jw.org)
Bíil xi prueby noʼ que Buñdzab nigolú noʼbu.
«¿Noʼ Buñdzab la?» (Artículo ni sieed ló jw.org)
Bíil ximod toib buñgonaʼ bireʼbu ladxña demony.
«Ma naana xi portín noʼya ló Gudxlio» (Guiich ni caniʼ, 1 de july íz 1993)
Gon ximod raquiin Buñdzab galbruj né galchiser par guiscúbu buñ.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
