Mod ma bisuidyno ló lesiony ni godudy, Dios diti racacuent guirá religión ni noʼ. Per labúu gony adorarno ni Bisaʼ lóono de toib mod ni labúu coʼ nakitno láabu. ¿Xí «religión» racacuent Dios? (Santiago 1:27; nota). Guibiʼno xi rasuidy la Biblia.

1. ¿Pu lagary guidzelno mod gony adorarno Dios?

Ló la Biblia sieed ximod non gony adorarno Dios. Jesús gochbu Dios: «Xtiitzlo ngú galnigolú» (Juan 17:17). Tipnés religión diti ragoʼyibu cuent ni rasuidy Xtiitz Dios la Biblia; xalagary ngú, rasuidybu xcalrrasuidy buñgudxlio né costumbres ni nap buñ. Per Jehová diti rioladx órni buñ rabeʼ xcalrrasuidybu tiplad (bíil Marcos 7:9). Ragoʼ nakitno xcalnabanybu órni rasobno ni ná la Biblia né órni ragoʼno cuent consej ni sieed loni.

2. ¿Ximod non gony adorarno Jehová?

Jehová Bisaʼ lóono, por ngú nosi láabu non gony adorarno (Apocalipsis 4:11). Ndeʼ radudy diitz que non gandxiʼno né nosi láabu non gony adorarno, dipa fuerspa guiquiinno toib dioxh (bíil Isaías 42:8).

Mod gony adorarno Dios non gacni «nayaa né guioladxbu láani» (Romanos 12:1). Ndeʼ radudy diitz guisobno ni rony mandarybu. Por ejemplo, buñ ni nadxiʼ Dios rasobyibu ni rony mandary Dios gony galtzeʼel. Láaca diti rapyibu vis xomod guiquiinyibu drogas, coobyibu gues né guisochyibu. a

3. ¿Xigony non gony adorarno Jehová toibsi né stipnés buñ ni ná guimbu láabu?

Reunión ni rac guirá xomal radudyni oportunida lóono gonyxiroʼno «Jehová [...] lainy congregación» (Salmo 111:1, 2). Toib mod ni labúu gonyno láani ngú gony cantarno canción par Dios (bíil Salmo 104:33). Jehová ranab lóono guidopno portín ronladxbu lóono né nanbu que guirá reunión reʼ sacnéni lóono par guibanyno tipzó. Órni radopno, rony animarno saʼno né racnéni lóono.

 NANOY GUISUIDYNO LÁANI

4. Diti non guiquiinno dioxh par gony adorarno Dios

5. Órni nosi Jehová rony adorarno, rareʼno ladxña de guirá galrrasuidy falz

 6. Rony adorarno Dios lainy congregación

Órni rony comentarno ló reunión ronyxiroʼno Jehová né rony animarno saʼno. Colgoʼol Salmo 22:22 né colgooy xtiitzni:

• ¿Rioladxlo guicadiaglo comentarios ni rioʼ ló reunión la?

• ¿Ñoladxlo ñony prepararlo nica toib comentario par nadudylo ló reunión la?

7. Jehová rioladx órni raibyno stipnés buñ ni casuidyno

Noʼ xidal mod par labúu gaibyno buñ xi rasuidy la Biblia. Colgoʼol Salmo 9:1 né 34:1, né colgooy xtiitzni:

• De guirá ni ma bisuidylo ló la Biblia, ¿xí láani nainy looy gaibylo stipnés buñ?

 ¿XÍ BISUIDYLO?

Ragoʼ nakitno xcalnabany ni Bisaʼ lóono órni láasibu rony adorarno, órni ronyxiroʼno láabu lainy congregación né órni raibyno stipnés buñ ni ma nanno.

Repas

• ¿Pu lagary sieed xipa mod raniiny Dios gony adorarno láabu?

• ¿Xigony nosi Jehová non gony adorarno?

• ¿Xigony non gony adorarno Dios toibsi né buñ ni ná guisob láabu?