Pal Dios ngú galnadxiʼ, ¿xigony religión ni raniʼ que rony adorar láabu rony cós mal, né ragaity buñ? Religión rony guirá ndeʼ portín nacni religión falz. Ni ronyni né ni rasuidyni rony buidyni laa Dios. ¿Ximod ma buny buidy religión laa Dios? ¿Ximod rasac Dios por guirá ndeʼ? ¿Né xí láani gonybu?

1. ¿Ximod xcalrrasuidy religión falz ma buny buidyni laa Dios?

Religión falz xalagary guisuidyibu galnigolú de Dios por galrrascú rasuidyibu (Romanos 1:25). Por ejemplo, xidalyibu diti rasuidyibu ximod laa Dios. Per la Biblia ná que non guiquiinno laa Dios (Romanos 10:13, 14). Tipnés buñ ni rasanir ló religión ná que órni rac toib desgrasy Dios nap dool. Per diti nigolúni. Láabu dipa napbu dool por guirá cós mal ni cayac (bíil Santiago 1:13). Per guirá galrrascú reʼ ronyni que buñ galsit de Dios.

2. ¿Ximod ma buny buidy religión falz laa Dios né guirá ni ronyibu?

Religión falz diti ragobioyibu buñ xomod rony Jehová láani. La Biblia ná que «xcalkiéyibu ma dxee montónni dada radxinni guibá» (Apocalipsis 18:5). Religión ma xidzú íz de goló rioʼyibu lad partid, rony apoyaryibu buñ tzee ló guerr né xtolni raity xidalguixo buñ. Tipnés buñ ni rasanir ló religión ronyibu gaxt xiroʼ bidxiich né por ngú ranabyibu bidxiich buñ ni noʼ né layibu. Guirá ni ronyibu raslooyni que diti rimbuyibu Dios, né diti labúu guiniʼyibu que Dios caquiin layibu (bíil 1 Juan 4:8).

3. ¿Xí rasac Dios por guirá ni rony religión falz?

Pal guirá ni rony religión falz ratzuitzni looy, ¡bunysi pensary ximod rasac Jehová! Láabu nadxiʼbu buñ, Dios nigolú radzuitz né guirá buñ ni rasanir ló religión portín rony buidyibu laa Dios né láaca portín diti ronladxyibu buñ ni noʼ ladyibu. Dios ma bidudy xtiitz guinitlóbu religión falz né «dipa sioʼ ni sabiʼ láani stoib» (Apocalipsis 18:21). Mápa mer sanitlóbu guirá religión falz (Apocalipsis 18:8).

 NANOY GUISUIDYNO LÁANI

4. Dios diti racacuent guirá religión

Xidal buñ rony pensary que religión nac xomod néz ni riné buñ ronoʼ Dios. ¿Per nigolúni la? Colgoʼol Mateo 7:13, 14 né colgooy xtiitzni:

• Mod ná la Biblia, ¿ximod nac néz ni riné buñ ro guibany?

Colguibiʼ VIDEO reʼ né colgooy xtiitzni:

• ¿Rasuidy la Biblia que Dios racacuent xidal religión la?

 6. Dios ná cueʼbu buñ lad religión falz

Colgoʼol Apocalipsis 18:4 a né colgooy xtiitzni:

• Dios raniiny guilaabu buñ ni má biscú religión falz. ¿Né looy xí ronylo pensary ni raniiny Dios gony?

7. Bimbu Dios ni rasuidy xinésni

¿Láani ngú guiniʼlo mal de Dios xtol guirá ni rasuidy religión falz la? Buny pensary ló toib mbiox ni diti rasob ni ná bixios, rasiambu xfamilbu né rasaló ronybu cós mal. Bixiosbu diti rioladx ni cayonybu. ¿Labúu guigotzno dool bixiosbu por guirá ni cayony xiimbu la?

• ¿Láani ngú guigotzno dool Jehová por guirá ni cayony religión falz né ma diti guisuidyno más de láabu la?

 ¿XÍ BISUIDYLO?

Religión falz ma buny buidyni laa Dios né ni rasuidyni né guirá cós mal ni ma bunyibu. Mápa mer sanitló Dios layibu.

Repas

• Looyga, ¿xí ronylo pensary de guirá ni ma bisuidy religión falz né guirá ni ma bunyni?

• ¿Xí láani rony pensary Jehová de guirá religión falz?

• ¿Xí láani sony Dios né guirá religión falz?