Ya Mo Yesu Azingisi Aboro Be Kpio Nzunzu?
Ya mo Yesu azingisi aboro be kpio nzunzu?
Yesu azingisi Razaro nakpi ki mangi arame biama ku murö yo
Ziazia Kekeapai nape gupai ziazia nga Yesu azingisi aboro be kpio. Anga agu apangbanga re nga paturẽ gbua te; nzunzu pai du namangi amanga rogo aba na ti aregboho ni bakiakia. Ni kpiapai, rogo gu garã nangia 31 Fuo Batika Kristo, bakere rimbasa aboro aguari na Yesu Kaparanauma yo ka ndu ku Naina yo. Ho i ada ni yo, i agbiatiyo na gu kura rimbasa aboro. Mo ima rengba ka ida kuti gu pa zingabekpio namangi ti gu regbo re bambiko si ni kekehe rogo Ziazia Kekeapai, na si amangi ku bangiri dungu adezire.
Yesu azingisi bakureako nangia Razaro nakpi ki mangi arame biama ku murö yo. Mo ima rengba ka ida kuti gupai Yesu amangihe ni gu uru re bambiko dungu aboro nabihe.
Tipagine Yesu azingisi aboro ti ni?
Yesu azingisi aboro bambiko ko adu na nunga yo. Ko amangihe wo ka yugo na ni nga Bako nga Bafu unga, aima fu ome fuko kurii kpio.
Agu azingabekpio Yesu amangihe nafu kido furani kuti gu gako akidohe nika manga ku mbatayo. Ko nika zingisa dungu aboro, kodihe na gu irairayo ainongo pai tipa Mbori ya. I nika fu momu fuyo tipa i ini Yekova Mbori na ki kpinyemuko.
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Gini He Nga Zingabekpio?
Kina ngbaro rengbe ka zera fuo ino mo pa agu aboro i nika zingisayo.
NGBAÕBAMBU SINZIRI
Gu maabangirise du tipa kpikpi aboro Wai du Rengbe mo Kadu na Kido Nga I Azinga Azinga?
Ziazia Kekeapai nafu wene ndupai ue tipa du nakido kuti zingabekpio.
