Agu Asanahe Ziazia Kekepai Akaragapai Kutini
Tipagine si aida ani kpari ti ni tipa ga Mbori Kindo ye?
Ya mo mo naida ka wirika dungu apai tipa ga Mbori Kindo na agu apai si nika mangaha?
Ga Mbori Kindo nga gu zogorago du ngbangbaturũ yo. Yesu aya fu gako abawiriki i kpari tipa si ye bambiko si nika ye na rurupai gbiati zereda ku auru kpotosende ane. Ga aboro zogarago arengbanga ka dia zuu, irairapai, watadu akaza kusayo te, ono kina ga Mbori Kindo nika manga gipai re. Mbori ima sia Wiriko nga Yesu ni Bakindo gu Kindo re. Yekova ima sia bete apefuo Yesu i zogorago na ko rogo gi Kindo re.
Barambeda, ga Mbori Kindo nika dia agu aboro dunduko nasogaha kusayo. Sidu, ho ani akpara ni nga ga Mbori Kindo ye, gure nga ani nasanahe tipa si ye ka diaba ga aboro zogarago kusayo nabaha.
Gine nika sa gupai nga aboro gbia undo ti ga Mbori Kindo?
Yesu nga wene Bakindo mbiko ko na nunga tiko. Wangia ko Wiri Mbori, ko na ome tiko tipa ka undo agu aboro dunduko nakpara fu Mbori tipa undo.
Ga Mbori Kindo nika undo agu aboro dunduko nakpara tipaha si ye, na aguyo naraka ringbisihe kuti gupai Mbori akpinyemuhe. Mo abiranga tiro tipa wirika gupai Ziazia Kekeapai apehe tipa ga Mbori Kindo te.
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Gini Apai ga Mbori Kindo Nika Mangaha?
Mo wirikipai tipa agu apai nika manga ho ga Mbori zogarago nika tona zogarago ni kurii kpotosende.
NGBAÕBAMBU SINZIRI
Ga Mbori Kindo—Gini Undo Rengbe Mo ka Gbiaha Behe?
Ka pe rengo, akaragapai nabi kina ro.
