Agu Asanahe Ziazia Kekepai Akaragapai Kutini
Ya mo apambori dunduko nafu irisa fu Mbori?
Ho mo adega turo ni kuti agu apangbanga namanga rogo zegino, si nawira wa mo ima bi gupai nga dungu gbegberẽ apai aboro amangaha ti rimo pambori. Anga apambori dunduko naenga yo du ndikidi Mbori ni te. (Matayo 7:15) Nirengo, dungu aboro Satana naingisa yo.
Wa vura duhe wo, Mbori nabi gu ruru aboro abi nakpinyemu gupai du ni wenehe na rengo. (Yoane 4:23) Mbori nayamba ngbatunga agu aboro re i ye ka wirikapai rogo Fugoko nga Ziazia Kekeapai.
Wai rengbe mo ka ino ndikidi pambori?
Yekova Mbori nakoda gu rikaaboro naye rogo dungu apambori niyugo ko rengo fuyo na kini yugupai fuyo tipa i kpinyemu akurayo. (Mika 4:2, 3) Sidu tie, mo ima rengba ka bi gu mangapai nga ga ndikidi pambori nibi gu gene i angerafuo akurayo ngbaha.
Yekova Mbori nakoda rikaaboro dunduko ku rogo ndikidi irisombori.
Ndikidi airisimbori namaa mburu gayo idapase na gayo raka rii Ziazia Kekeapai. (2 Timoteo 3:16) I nairisa tipa rimo Mbori a. (Atambuahe 83:18) Na i nafura tipa ga Mbori Kindo nga si nga gu yangada maabangirise fu aboro. (Daniere 2:44) I na wirika Yesu nimbu yo ‘ima yo si hasi rago,’ kini mangi gupai du ni wenehe fu gayo amurakporo. (Matayo 5:16) I na ino ndikidi aKristano mbiko ndu yo kaa tungusapai fu gayo amurakporo tipa ga Mbori Kindo.
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Ya Mo Apambori Dunduko Kina Sa? Ya Mo Si Nandu Dunduko Koyo du Mbori Ni?
Bangua arengo ue Baibiri afuhe nafu karagapai.
