Gupai Yesu Amangihe

Ginipai Ani Awirikaha be Yesu?

2. Ani nayugoho nga ani ima kpinyemu aboro ni fu ani tirani ka undo aboro i da ni abawiriki.

 Mo Wiriki Yesu

3. Mo wisigi Baibiri na gamo bawiriki Baibiri rogo gu ba na ti gu regbo ngba ti ni. Ni ima rengba ka du na nyemu kaa wirikipai rogo gu kura kparakpara uru sa rogo poso yo watadu ti gu kura saa rogo aˈuru ni basasa. Ya mo ni rengbe kadu wenengai ka ni awirika Baibiri ba gani sunge yo, kpuni yo, watadu rogo gu ba du gbaiga? Mo mangi ome wa rengbe omero na ni ka mbakada gamo apai tipa wa ka mo rengbe kaa wirikapai na ni ti gu regbo na rogo gu ba ngba ti ni.

4. Mo ni wisigipai na ni dedede. Ka si du nga mo adunga ho te, ka mo rugusinga gani wirika Baibiri ya. Kuba gure, mo sana tiro nga:

1.    Ya mo mo rengbe ka wisigo Baibiri na ni ti kura regbo rogo gu poso re?

2.   Ya mo oni rengbe ka wisigo Baibiri na ni rogo fõní watadu vidio?

3.   Ya mo mo rengbe ka sana kura batungusipai ni ndu ka wirikapai na ni?

5. Mo mangi kparakpee tipa kadu na ruru bipai. Mo sana Yekova ko undoro mo fu tiro ka undo gamo bawiriki Baibiri, ka si vura du vurũ nga ni awirika nga pai dedede te watadu ni amanganga pai niipo kuti agu apai ni awirikaha te. (Frp. 2:13) Si nawira wa gamo bawiriki Baibiri ima du na dungu wene asino ti ni; mo kpari tipa undo ka maaberã ro fuoni.