Ani nga aDezire Yekova na ngbarago kaa saka agu apai nabipa idapase na aboro rogo apambori dunduko, ono ani akodanga idapase ngba gu gene nga kaa manga irisombori na agu aboro du na kura gayo aida te. Baibiri nayugo gupai nga i nazungadi aKristano i “du teketeke,” na gupai nasa gi du teketeke re nga kodatise rogo ida yo. (1 AKorindo 1:10; AEfeso 4:16; AFiripoio 2:2) Gipai re ima susa gupai gbua nga ka du na giatise riipa apai wa nyemuse, nunga, na mbupai. Mburu gaani ida nga ga pambori naru rii ndikidi inohe rogo Baibiri yo, na zangaha, ka gaani idapase du gbua ni kungbo pai.—ARomo 10:2, 3.

 Baibiri nayugo gupai nga kpamiatise rogo idapase arengbanga te, mbiko si ima rengba ka gbarasapa ga Kristano idapase. (2 AKorindo 6:14-17) Sidu, Yesu aambunga gako abawiriki i kodi idapase te. (Matayo 12:30; Yoane 14:6) Wakina gure a, ga Mbori Ndiko vurube Mose aima za aYisaraere ti kodatise rogo irisombori na gayo amurakporo. (Gate 34:11-14) Kusa, ruru aYisaraere aima ká ka fubee kuti kodatise rogo pambori yo na agu aboro gayo idapase adu akia.—Ezara 4:1-3.

 Ii. Nirengo, rogo 2022 ani adi asaa naambeda kuti abirioni ue tipa kaa fura na agu aboro du gayo idapase kia. Wakina gu mokedi nangia Pauro, ani na nyemu ka rugatirani na pa agu aberã na aida nga ga ‘dungu aboro’ gene tungusapai yo. (1 AKorindo 9:19-22) Ti regbo gaani sakapai, ani na asada ka mangapai kuti gu rugute Baibiri ayugoho nga ka yugo “irisa” fu kura aboro—1 Petero 3:15.