Nabé galán método riquiiñeʼ ca testigu stiʼ Jehová para gacanecaʼ binni guiziidiʼ de lu Biblia. Programa nápadu para gacanedu binni guni estudiar Biblia zanda gacané lii:

•   Guibániluʼ nayecheʼ.

•   Gaca xhamíguluʼ Dios.

•   Guiziidiluʼ xi cayuni prometer Dios chiguni despué.

Lu artículo riʼ zacábinu ca pregunta riʼ:

•  ¿Ximodo runi estudiarnedu binni Biblia?

•  ¿Naquiiñeʼ quixeʼ xiixa la?

•  ¿Pabiáʼ rindaa estudiu ca?

•  ¿Xi guneʼ para gudiicabe naa estudiu?

•  ¿Ñee zanda guuyaʼ ximodo runi estudiarnécabe binni Biblia la?

•  Pa gudieeʼ lugar gudiicabe naa estudiu, ¿ñee caquiiñeʼ peʼ gacaʼ testigu stiʼ Jehová la?

•  ¿Ñee zanda iquiiñeʼ Biblia stinneʼ la?

•  ¿Ñee zanda guneʼ invitar tuuxa ora guni estudiarnécabe naa la?

•  Pa maca biʼniʼ estudiarné ca testigu stiʼ Jehová naa dxiqué, ¿ñee zanda guneʼ estudiar sti biaje la?

•  ¿Ñee zanda guneʼ estudiar Biblia stubeʼ siaʼ sin chuʼ tu gusiidiʼ naa la?

 Zacané ti binni lii para guni estudiarluʼ Biblia tema pur tema. Libru ni láʼ ¡Zanda guibániluʼ nayecheʼ! zacané lii guiéneluʼ ni ná Biblia, chaʼhuiʼ chaʼhuiʼ zaziidiluʼ xi rusiidiʼ Biblia ne ximodo zacané ni lii. Pa racaláʼdxiluʼ gánnaluʼ jma la? zanda gúʼyaluʼ videu ri’.

 Coʼ. Laadu, ca testigu stiʼ Jehová, rúnidu ni gudxi Jesús ca discípulo stiʼ gúnicaʼ: «Gucuaatu gratis, lagudii gratis» (Mateo 10:8). Ne cadi caquiiñeʼ quíxeluʼ gastiʼ para guni estudiarnécabe lii o para para gápaluʼ ti Biblia ne libru ¡Zanda guibániluʼ nayecheʼ!

 Napa libru ca 60 lección ne zanda gúʼndatu ni modo chuuláʼdxiluʼ. Stale binni riuulaʼdxiʼ guni estudiar ti lección pur semana ne xcaadxi rinabaʼ guni estudiar jma de ti lección.

1.  1. Bichá formulariu nuu lu internet. Zaquiiñedu ca datu ni gudiiluʼ laadu para si guiniʼné ti testigu stiʼ Jehová lii.

2.  2. Ni chiguni estudiarné lii Biblia zaniʼné lii. Zusiénebe lii ximodo zacané estudiu riʼ lii guiéneluʼ ni ná Biblia ne zacábibe ca pregunta ni gúniluʼ.

3.  3. Lii ne ni chigaca maestru stiluʼ ca zuuyatu pora jma galán guni estudiartu. Zanda chebe ra lídxiluʼ o guiníʼnebe lii pur teléfono, videollamada o correu electrónicu. Zanda guni estudiartu biaʼ ti hora o menu, maʼ lii cuilu pabiáʼ tiempu guindaatu; zuni estudiarnebe lii biaʼ tiempu gápaluʼ.

 Zanda. Primeru caquiiñeʼ guchaluʼ formulariu nuu lu internet. Ora guiniʼné ti testigu stiʼ Jehová lii gudxi laabe racaláʼdxiluʼ guni estudiarnebe lii ti biaje si ne maʼ lii gúʼyaluʼ pa chuuláʼdxiluʼ ni o pa coʼ. Zaquiiñebe folletu ¡Zanda guibániluʼ nayecheʼ! ne chonna si lección napa folletu riʼ.

 Coʼ. Riuulaʼdxiʼ ca testigu stiʼ Jehová guni estudiarnecaʼ binni Biblia peru qué runi obligárcabe laacaʼ chuʼcaʼ lu religión stícabe. Né stale respetu rusiidicabe de Biblia ne rienécabe cada binni nga caquiiñeʼ cuí xi guni cré (1 Pedro 3:15).

 Zanda. Zanda iquiiñeluʼ intiica traducción ni riuuláʼdxiluʼ. Neca ca testigu stiʼ Jehová riquiiñedu Traducción del Nuevo Mundo, purtiʼ biaʼsi modo gucuá ni ne cadi nagana para guiene binni ni, peru nánnadu stale binni riuulaʼdxiʼ iquiiñeʼ Biblia ni maca biaa iquiiñeʼ.

 Zanda. Zanda guni invitarluʼ familia stiluʼ o ca xhamíguluʼ.

 Zanda. Ne zándaca yanna jma chuuláʼdxiluʼ ni. Bidxaa modo runi estudiarnedu binni para chuuláʼdxicabe ni jma. Racané ni binni guiene ni ná Biblia ne yanna napa ni stale dibuju ne videu que ni biquiiñedu para bisíʼdidu binni dxiqué.

 Zanda. Neca xa jma facíl raca para binni gapa ti maestru, peru nuu tu laa riuulaʼdxiʼ guni estudiar stubi si. Lu sección ni láʼ «Ni zacané lii guni estudiarluʼ Biblia» nuu caadxi herramienta ni zacané lii ne cadi caquiiñeʼ quíxeluʼ para gápaluʼ ca ni. Ndiʼ nga caadxi de laacani:

•   Videu ni biree de lu Biblia. Nápani caadxi lección ni cusiene ca cosa ni cadi nagana zeeda lu Biblia.

•   Cani rinabadiidxaʼ binni de Biblia. Luni zeeda caadxi artículo ni rucabi stale pregunta de lu Biblia.

•   Caadxi textu ni ma’ bisiénecabe. Zadxélaluʼ significadu stiʼ stale diidxaʼ ne textu ni nabé runibiáʼ binni.