1. Pastor stinneʼ nga Jiobá Dios,

zuneʼ de guiráʼ ni ná.

Laa nanna ximodo ladxiduáʼ

ne laaca rápabe naa.

Rinebe naa ra daʼ nisa,

ridxá tipa ladxiduáʼ.

Lu guiráʼ ca neza rinebe naa,

rihuinni nadxiibe naa.

Guiráʼ ca neza rinebe naa,

rihuinni nadxiibe naa.

2. Pa neza ra ziaaʼ nacahui,

Jiobá, lii nuuneluʼ naa,

nga runi, naa qué zadxibediáʼ,

purtiʼ lii nga ruuyuʼ naa.

Aceite riguuluʼ iqueʼ

para quixhedxiluʼ naa.

Ne de ladxiduáʼ rudieeʼ xquixe lii,

pur nadxiiluʼ naa Jiobá.

De ladxiduáʼ rudieeʼ xquixe lii,

pur nadxiiluʼ naa Jiobá.

 3. Nadxiiluʼ naa Pastor stinneʼ,

pur nga rusisacaʼ lii.

Guirutiʼ rapa naa casi lii,

nadxieeʼ lii Dios ni dxandíʼ.

Ne gunna dxichi Jiobá Dios,

qué zaxelediáʼ de lii.

Lu guidubi xquendanabaneʼ Dios,

qué chuʼ dxi gusaanuʼ naa.

Guidubi xquendanabaneʼ Dios,

qué chuʼ dxi gusaanuʼ naa.