3. Guendahuará
3. Guendahuará
«Guiráʼ clase guendahuará ti lugar ne sti lugar» (LUCAS 21:11).
● Bonzali, ti funcionariu ni runi dxiiñaʼ ndaaniʼ ti guidxi nuu África, biʼniʼ guiráʼ ni nuu lu náʼ para gusianda caadxi mineru ni cayati pur ti virus ni láʼ Marburgo. * Gúdxibe ca binni ni ruuyaʼ de ca guendahuará riʼ ni cazaaca que, peru biindacaʼ tapa beeu para bilábicaʼ laabe, ne ora yendacaʼ raqué, maʼ gutiʼ Bonzali, purtiʼ gucuá virus que laabe ra gucaláʼdxibe ñacanebe ca mineru que.
¿CAADXI DE CA DATU NI NÁPANU? Ca guendahuará ni ricá casi neumonia, yuubaʼ ndaaniʼ, sida, tuberculosis ne paludismo nga caadxi de ca guendahuará jma malu ni huayuuti stale binni. Ca guendahuará riʼ biiticani once millón de binni lu iza 2004, o zanda guininu cada chonna segundu biitini ti binni.
¿NI RINÍʼ BINNI? Zidale binni lu Guidxilayú, nga runi qué zanda diʼ gucueezanu gaca huará stale binni.
¿ÑEE BIAʼSI NI RINÍʼ BINNI? Neca zidale binni lu Guidxilayú, laaca nuu aparatu ra zanda guʼyaʼ binni xi guendahuará napa, ra guni controlar ca doctor guendahuará stícabe ne aparatu ni zanda gacané laacabe guiándacabe. Peru lugar de nixiéʼcani la? laga zeʼ dxi jmaruʼ stale nuu.
¿XI RÁBILUʼ? ¿Ñe nabaninenu ca guendahuará ni maca riete lu Biblia la?
Runiná xu roʼ, hambre ne ca guendahuará stale millón de binni, xcaadxi binni racaná pur xcaadxi cosa casi laacani, ne nuu de laacabe ruquiichináʼ binni laacabe. Guidúʼyanu xi ná ca profecía zeeda lu Biblia de laacani.
[Nota]
^ párrafo 3 Xindxáʼ nabé malu ni láʼ Marburgo, zeedani de ti virus ni láʼ ébola.
[Ni caníʼ/Epígrafe]
«Nabé feu guxuuxe ti lión lii, peru jma feu guniná ti guendahuará lii ne qué ganda gúniluʼ gastiʼ». (MICHAEL OSTERHOLM, EPIDEMIÓLOGO)
[Ra zeeda lá cani bidii o bisigaʼdeʼ imagen]
© William Daniels/Panos Pictures