Caadxi levita ni cadi sacerdote bíʼnicaʼ dxiiñaʼ de puliciá ra templu. Capitán stiʼ templu que nga biʼyaʼ ximodo gaca dxiiñaʼ que. Escritor judíu Filón bizeeteʼ caadxi de ca dxiiñaʼ ni bíʼnicabe: «Caadxi de laacabe rápacabe ca puertaʼ que; xcaadxi ruzuhuaacaʼ dentru de templu que para cadi chuʼ tuuxa ndaaniʼ ni pa laapeʼ cheʼ o pa málasi gueeda guiree nezaqué; ne xcaadxi la? rápacaʼ lu patiu stiʼ templu que ridxíʼ ne huaxhinni según turnu gaca caber laacabe pur sorteu».

Biʼniʼ grupu de soldadu riʼ dxiiñaʼ para Sanedrín. Laasicabe nga grupu judíu ni bidii ca romanu lugar sanécabe espada.

Joachim Jeremias, ti hombre ni nanna stale de Biblia ná: «Dxi gunaazeʼ ca oficial que Jesús gunabadiidxabe laacaʼ xiñee qué ninaazecaʼ laabe dxi cusiidibe ra templu que. Purtiʼ pa ñaca qué ñuu puliciá ra templu que la? qué ninabadiidxaʼ Jesús ndiʼ laacabe» (Mat. 26:55). Laaca guníʼ hombre riʼ laaca ca pulicia ni rapa ra templu que nga ca ni gucalaʼdxiʼ ninaazeʼ Jesús (Juan 7:32, 45, 46). Gudiʼdiʼ si tiempu, gúdxicabe capitán stiʼ templu que ne ca oficial stiʼ chinecaʼ ca discípulo stiʼ Jesús ra Sanedrín. Zándaca laaca ca puliciá que nga ca ni gunaazeʼ Pablo fuera de templu que (Hech. 4:1-3; 5:17-27; 21:27-30).