Casi bizíʼdinu lu lección gudídinu que, cadi guiráʼ diʼ religión nga jneza ruuyaʼ Dios. Peru zanda guni adorarnu Dios ni bizáʼ laanu modo riuulaʼdxiʼ. ¿Ximodo caquiiñeʼ gaca «adoración» o «religión» stinu para chuulaʼdxiʼ Dios ni yaʼ? (Santiago 1:​27; biiyaʼ nota). Guidúʼyanu xi rusiidiʼ Biblia.

1. ¿Paraa cá ximodo naquiiñeʼ guni adorarnu Dios?

Zadxélanu ni lu Biblia. Sicaríʼ gudxi Jesús Dios: «Stiidxaluʼ nga ni dxandíʼ» (Juan 17:​17). Stale religión qué rinanda diʼ ni zeeda lu Stiidxaʼ Dios, Biblia, lugar de nga la? rinándacaʼ ni rusiidiʼ binni ne costumbre sticaʼ. Peru qué riuulaʼdxiʼ Jehová gucaanácabe ca «mandamientu stiʼ» ti ladu (biindaʼ Marcos 7:9). Ne riéchebe ora ridúʼndanu Stiidxabe, Biblia, ne rinándanu ca conseju zeeda luni.

2. ¿Ximodo naquiiñeʼ guni adorarnu Jehová?

Cumu Jehová nga bizáʼ laanu la? nga runi laasibe nga naquiiñeʼ guni adorarnu (Apocalipsis 4:​11). Nga riníʼ naquiiñeʼ gannaxhiinu laasibe ne cadi iquiiñenu bidóʼ o sti cosa para guni adorarnu laabe (biindaʼ Isaías 42:8).

Modo guni adorarnu Jehová naquiiñeʼ gácani nayá ne modo chuuláʼdxibe (Romanos 12:1). Zanda guininu caquiiñeʼ guibáninu modo ná ca ley stiʼ Dios. Guzéʼtenu ti ejemplu, ca ni nadxii Jehová la? rinándacaʼ ca ley ni maʼ gudíxhebe para ca guendaxheelaʼ, laaca qué gápacaʼ viciu casi cúbacaʼ gueza o droga ne qué rixúdxicaʼ. a

3. ¿Xiñee naquiiñeʼ guni adorarnu Jehová lade ca binni ni ruzuubaʼ stiidxabe?

Racané ca reunión ni rápadu guiráʼ semana para gusisácadu «Jehová [...] ndaaniʼ congregación» (Salmo 111:​1, 2). Ti modo zanda gusisácanu Dios nga guidúʼndanu para laa (biindaʼ Salmo 104:​33). Racalaʼdxiʼ Jehová guidagulisaanu purtiʼ nadxiibe laanu ne nánnabe zacané ca reunión ca laanu guibáninu nayecheʼ. Ora chuunu ca reunión ca la? riguʼnu gana xcaadxi ne laaca riguucabe gana laanu.

 GUIZÍʼDIRUNU JMA

4. Cadi jneza iquiiñenu bidóʼ para guni adorarnu Dios

5. Pa guni adorarnu Jehová si la? maʼ qué zundiibi ca creencia ni cadi dxandíʼ laanu

 6. Runi adorarnu Dios ora riuunu reunión

Ora ridúʼndanu ne runi comentarnu lu ca reunión ni rápanu, rusisácanu Jehová ne rigúʼsaanu gana laanu. Laguundaʼ Salmo 22:​22 ne laiquiiñeʼ ca pregunta riʼ para güitu diidxaʼ:

• ¿Ñee racané ca comentariu rudiicabe ra reunión lii la?

• ¿Ñuuláʼdxiluʼ ñuni prepararluʼ xiixa para ñuni comentarluʼ lu reunión la?

7. Riuulaʼdxiʼ Jehová guinínenu xcaadxi binni de ni cazíʼdinu

Nuu stale modo zanda guinínenu binni de ni cazíʼdinu lu Biblia. Laguundaʼ Salmo 9:1 ne 34:1, ne laiquiiñeʼ pregunta riʼ para güitu diidxaʼ:

• De guiráʼ ni maʼ biziidiluʼ lu Biblia, ¿xi ñuuláʼdxiluʼ nusiidiluʼ stobi?

 XI BIZÍʼDINU

Guizáʼ rusiéchenu Dios ni bizáʼ laanu ora runi adorarnu laasi, ora rusisácanu laa lu ca reunión ni rápanu ne ora rinínenu xcaadxi binni de ni cazíʼdinu.

Xi biziidiluʼ

• ¿Paraa cusiene ximodo racalaʼdxiʼ Dios guni adorarnu laa?

• ¿Xiñee naquiiñeʼ guni adorarnu Jehová si?

• ¿Xiñee naquiiñeʼ guni adorarnu Dios lade ca binni ni racalaʼdxiʼ guni ni nabe?