Bichaa volumen stiluʼ. Bidxiibahuiiniʼ lu voz stiluʼ para guni resaltarluʼ ca puntu ni jma risaca ne guni motivarluʼ ca binni cucaadiaga lii. Zaqueca biʼniʼ ora gúʼndaluʼ ti sentencia stiʼ Dios. Gundeteʼ lu voz stiluʼ para gucuaaniluʼ emoción stícabe o para guiníʼ íquecabe ximodo nuu tuuxa ni cadxibi o nuu xizaa.

Bichaa tono stiluʼ. Guníʼ né ti tono de voz agudo para gusihuínniluʼ guendanayecheʼ o para guiniʼluʼ de xiixa nahuiiniʼ o naroʼbaʼ o de xiixa ni nuu zitu. Biquiiñeʼ ti tono de voz grave para guiniʼluʼ de tuuxa ni nuu triste o tuuxa ni nuu xizaa.

Bichaa ritmu stiluʼ. Guníʼ nagueendahuiiniʼ pa racaláʼdxiluʼ guni transmitirluʼ entusiasmo. Guníʼ jma chaahuiʼ pa chiguzeeteluʼ ti puntu risaca.