Gadxé gadxé modo rúnicabe guendarinabadiidxaʼ riʼ. Zándaca nuu tu laa rinabadiidxaʼ: «¿Xiñee nuunu raríʼ?» o «¿Xi propósitu napa guendanabani?». Biblia rusiene propósitu stinu nga gaca xhamígunu Dios. Para gánnanu ximodo zanda gaca xhamígunu Dios, guidúʼyanu xi ná Biblia.

•   Dios bizáʼ laanu. Biblia ná: «Laabe [Dios] bizaʼbe laanu ne stibe laanu» (Salmo 100:3; Apocalipsis 4:11).

•   Maca nuu xi pur bizáʼ Dios guiráʼ ni nuu, dede né binni guidxilayú (Isaías 45:18).

•   Guiranu nánnanu caquiiñenu Dios purtiʼ laa bizáʼ laanu, nga runi guiranu racaláʼdxinu gánnanu ximodo guibáninu jma galán (Mateo 5:3). Ne nga peʼ nga ni racalaʼdxiʼ Dios para laanu (Salmo 145:16).

•   Pa gúninu stipa gunibiaʼnu ne gaca xhamígunu Dios la? ziuʼnu jma gaxha de laa. Ne Biblia cayabi laanu: «Laguidxiña ra nuu Dios ne laa zadxiña laatu» (Santiago 4:8; 2:23).

•   Para ganda gaca xhamígunu Dios caquiiñeʼ gúninu ni ná. Biblia ná xi pur bizáʼ Dios laanu: «Guyáʼ binni para guidxibi ne gannaxhii ne guni ni ná Dios» (Eclesiastés 12:13 versión de Ángel Sánchez, nota; lenguaje actualizado).

•   Dxi maʼ cuee Dios yuubaʼ ne gudiibe guendanabani ni qué zaluxe ca xhamígube ni runi ni nabe, zaca ni maʼ gudixhe íquebe para binni guidxilayú (Salmo 37:10, 11).