你​有​冇​仔细​读​过​最近​几​期《守望台》嘅​内容​呢？睇​吓​答​唔​答​到​以​下​嘅​问题:（所有​公众版​同​1-5​月刊​嘅​研读版​请​参考​普通话）

为咗​帮助​仔女​喺​属灵​上​进步，点解​移​民​到​外国​嘅​父母​需要​考虑​语言​方面​嘅​问题？

仔女​好​可能​喺​学校​或者​其他​地方​学识​当地​嘅​语言。熟悉​多​一​种​语言​对​细路仔​嚟​讲​系​有​好处​嘅。父母​需要​考虑​年轻人​喺​边​种​环境​底​下​最​能够​吸收​真理、喺​属灵​上​进步，究竟​喺​当地​语言​嘅​会众，抑或​喺​母语​嘅​会众​比较​好。父母​选择​参加​边​种​语言​嘅​聚会​嗰时，应该​优先​考虑​仔女​嘅​属灵​情况，而​唔​系​自己​嘅​喜好。——《守》2017．5​刊 9-11​页

耶稣​问​彼得:“你​系咪​爱​我​胜​过​爱​呢啲？”佢​讲​嘅“呢啲”系​指​乜嘢？（约翰福音​21:15）

睇嚟​耶稣​系​指​捕​鱼​或者​彼得​嘅​事业。耶稣​死​后，彼得​再次​返去​捕​鱼。基督徒​需要​衡量​吓​自己​应该​将​世俗​工作​放​喺​乜嘢​位置。——《守》2017．5​刊 22-23​页

点解​亚伯拉罕​叫​妻子​撒拉​话​自己​系​佢​嘅​妹？（创世记​12:10-13）

撒拉​的确​系​亚伯拉罕​同​父​异​母​嘅​妹。如果​撒拉​话​自己​系​亚伯拉罕​嘅​妻子，亚伯拉罕​就​可能​会​被​杀，噉​耶和华​所​应许​嘅​后代​就​唔​会​出现​嘞。——《守众》2017．3​期 14-15​页

埃利亚斯·胡特尔​使用​咗​乜嘢​技巧​嚟​帮助​人​学​希伯来语？

佢​想​帮助​学生​将​希伯来语​单词​嘅​词​根​同​前后​缀​区分​开。佢​用​实​心​字体​印刷​希伯来语​单词​嘅​词​根，而​用​空​心​字体​印刷​前后​缀。《圣经​新世界译本​详​注​本》（英语）嘅​脚注​亦​都​采用​类似​做法。——《守众》2017．4​期 11-12​页

对于​一​个​人​可唔可以​为咗​保护​自己​免​受​他​人​伤害​而​拥有​枪械，基督徒​应该​考虑​乜嘢？

喺​上帝​眼​中，生命​系​神圣​嘅；耶稣​冇​鼓励​佢​嘅​门徒​为咗​自卫​而​佩​剑；（路加福音​22:36，38）我哋​要​将​刀剑​打​成​犁头；生命​比​物质​更加​宝贵；我哋​会​尊重​其他​人​嘅​良心，亦​都​想​立​下​榜样。（哥林多后书​4:2）——《守》2017．7​刊 31-32​页

关于​耶稣​早期​嘅​生活，点解​马太​同​路加​嘅​记载​有​出入？

马太​嘅​记载​主要​同​约瑟​有关，例如​佢​对​马利亚​怀孕​嘅​反应，天使​叫​佢哋​逃​离​埃及​同埋​之后​返翻​以色列。而​路加​嘅​记载​主要​集中​喺​马利亚​身上，包括​佢​拜访​伊利莎白，同埋​佢​对​耶稣​细个​嗰时​留​咗​喺​圣殿​嘅​反应。——《守》2017．8​刊 32​页

圣经​经历​咗​乜嘢​情况​但​依然​能够​留​存​落嚟？

随​住​时间​过去，圣经​嘅​用语​同​表达​发生​咗​改变；政治​上​嘅​变化​亦​都​影响​到​社会​嘅​通​用语​言；将​圣经​翻译​成​通​用语​言​嘅​工作​受​到​反对。——《守》2017．9​刊 19-21​页

我哋​有​冇​一​个​守护​天使？

冇。耶稣​提​到​门徒​嘅​天使​喺​天上​可以​见到​上帝​嘅​面。（马太福音​18:10）佢​嘅​意思​系​天使​好​关注​门徒​嘅​情况，而​唔​系​话​天使​会​神奇​噉​保护​每​一​个​门徒。——《守众》2017．5​期 5​页

最​伟大​嘅​爱​系​乜嘢？

“阿格配”呢​种​爱​系​最​伟大​嘅，以​正确​嘅​原则​为​基础。呢​种​爱​包括​温情​同​爱意，但​最​主要​嘅​表现​系​无私​噉​为​他​人​付出。——《守》2017．10​刊 7​页