根据摩西律法，犹太人有时都会发誓。不过，耶稣嗰个时代嘅人为咗证明自己讲嘅话系真嘅，就喺日常生活中经常发誓，呢种做法毫无意义。所以，耶稣两次谴责佢哋，而且教导佢哋话：“你哋嘅话，系就应该话‘系’，唔系就应该话‘唔系’。”（马太福音5:33-37；23:16-22）

《新约神学词典》（英语）话：“犹太人经常通过发誓去证明佢哋所讲嘅话系真嘅”，通过《塔木德》可以睇出呢一点，因为呢本书非常仔细噉列出边啲誓言可以生效，边啲可以作废。

唔系只有耶稣谴责人滥用发誓嘅行为。例如，犹太历史学家约瑟夫斯提到一个犹太教派，话：“佢哋会避免发誓，因为佢哋觉得发誓比作假见证嘅罪更加严重，佢哋觉得如果一个人要用发誓嚟证明自己讲嘅话系真嘅，噉佢就已经有罪嘞。”同样，称为“便西拉智训”，或者“德训篇”嘅犹太次经嘅23:11讲：“一个人经常发誓嘅话，佢嘅内心已经犯罪。”如果我哋总系讲真话，就唔使通过发誓嚟证明自己讲嘅话系可信嘅。难怪耶稣谴责嗰啲滥用发誓嘅人。