¿Máakalmáak tiʼ le baʼaxoʼob yaan kabal jeʼel u yáantkech utiaʼal maʼ a wuʼuyikaba chéen ta juunaloʼ?

1.   U yantal yaʼab a amigoʼob

2.   A sen okol ta redes sociales

3.   A sen túuxtik mensaje bul kʼiin

4.   A beetik wa baʼax tu yoʼolal u maasil

 Koʼox ilik baʼaxten.

•   Kex yaʼab a amigoʼobeʼ yaan kʼiineʼ yaan a wuʼuyikaba chéen ta juunal

   Anneeʼ ku yaʼalik: «Jach in yaabiltmaj in amigoʼob, baʼaleʼ yaan kʼiineʼ kin wuʼuyik letiʼobeʼ maʼ u yaabiltmenoʼobiʼ. Jach ku yaatal in wóol kéen in wuʼuy mix juntúul in amigoʼob ku chʼaʼiken en cuentail».

•   Kex ka sen ookkech a wil a redes socialeseʼ yaan kʼiineʼ yaan a wuʼuyikaba chéen ta juunal

   Elaineeʼ ku yaʼalik: «Yaan máaxoʼobeʼ chéen uts tu tʼaan u yaʼabtal u amigoʼob, bey jeʼex ka u coleccionartoʼob wa baʼax jatsʼuts u yilkoʼobeʼ. Baʼaleʼ leloʼ maʼ u kʼáat u yaʼal wa tuláakal ken u yaabiltechiʼ. Kex ka yanaktech u número yaʼab máaxoʼobeʼ maʼ u kʼáat u yaʼal wa jach tu jaajil a amigoʼobiʼ».

•   Kex ka a sen túuxt mensajeeʼ yaan kʼiineʼ yaan a wuʼuyikaba chéen ta juunal

   Serenaeʼ ku yaʼalik: «Yaan kʼiineʼ wa chéen ta juunal ka wuʼuyikabaeʼ maʼ tu xuʼulul a paktik a celular utiaʼal a wilik wa yaan máax tsʼoʼok u túuxtiktech mensaje. Kéen a wil mix máakeʼ maas ku yaatal a wóol».

•   Kex ka a beet wa baʼax yoʼolal u maasileʼ yaan kʼiineʼ yaan a wuʼuyikaba chéen ta juunal

   Richardeʼ ku yaʼalik: «Mantatsʼ táan in wáantik in amigoʼob baʼaleʼ letiʼobeʼ maʼatech u yáantkenoʼob. Maʼ in pʼeek in wáantkoʼobiʼ, chéen ku yaatal in wóol tumen letiʼobeʼ maʼatech u beetkoʼob mix baʼal tin woʼolal».

 Baʼax k-kanik: Le u yuʼubikuba máak tu juunaloʼ chéen máak tuklik beyoʼ. Jeanetteeʼ ku yaʼalik: «Máakeʼ unaj u yilik maʼ u lúubul u yóol kex jeʼel baʼaxak ka úuchuk tu baʼpacheʼ».

 ¿Baʼax jeʼel a beetik wa ka wuʼuyikaba chéen ta juunal yéetel ka wuʼuyik mix máak u yaabiltmecheʼ?

Maʼ a tuklik wa mix baʼal a biilal

 Jeanetteeʼ ku yaʼalik: «Yaan horaeʼ ku yuʼubikuba máak chéen tu juunal tumen sajak maʼ u kʼaʼamal tumen u maasil. Chéen baʼaleʼ, ¿bix jeʼel u yantal a amigoʼob wa bey a wuʼuyikabaoʼ?

 Le Bibliaoʼ ku yaʼalik: «Kʼaʼabéet a yaabiltik a wéet máakil jeʼel bix a yaabiltikabaeʼ» (Gálatas 5:14). Utiaʼal a biskaba maʼalob yéetel u maasileʼ kʼaʼabéet a yaabiltikaba, chéen baʼaleʼ maʼ unaj a píitmáan xaniʼ (Gálatas 6:⁠3, 4).

Maʼ a kaxtik chéen a wutsil

 Erineʼ ku yaʼalik: «Wa mantatsʼ ka wuʼuyikaba chéen ta juunaleʼ mix baʼal kun kiʼimakkúuntik a wóol. Bey jeʼex ka ookkech ich jaʼ wa maʼ a wojel nadareʼ. Mientras maas ta kaxkaba utiaʼal a jóokʼoleʼ, maas ka búulul. Wa ka sen tuklik mix máak chʼaʼikech en cuentaeʼ, yaan a náachtal tiʼ u maasil yéetel mix máak ken u yóot u bisuba ta wéetel».

 Le Bibliaoʼ ku yaʼalik: «Le máax yaan u yaabilajeʼ [...] maʼ tu kaxtik chéen u yutsil» (1 Corintios 13:​4, 5). U tuukul máak chéen tu yoʼolaleʼ ku beetik u kaxtik chéen u yutsil. Tsʼoʼoleʼ mix máak taak u biskuba yéetel juntúul máak beyaʼ (2 Corintios 12:15). Wa ka wuʼuyik chéen jeʼel u kiʼimaktal a wóol wa ku beetaʼal wa baʼax ta woʼolaleʼ jach junpuliʼ maʼ tun bintech utsil. Wa mantatsʼ táan xan a tuklik «Teneʼ mix máak tʼanken» wa «Mix máak invitarken» u kʼáat u yaʼaleʼ chéen táan a páaʼtik baʼax ken u beet u maasil ta woʼolal. Beyoʼ mix bikʼin kun kiʼimaktal a wóol.

Maʼ a biskaba yéetel jeʼel máaxakeʼ.

 Brianneeʼ ku yaʼalik: «Máaxoʼob ku yuʼubikubaʼob chéen tu juunaleʼ u kʼáatoʼob ka yaabiltaʼakoʼob tumen u maasil, lelaʼ jeʼel u beetik u biskubaʼob chéen yéetel jeʼel máaxakeʼ. Chéen baʼaleʼ unaj u kanáantkubaʼob tumen yaan máaxoʼob chéen ku beetkoʼob bey u amigoʼobeʼ utiaʼal u jóoʼskoʼob wa baʼax tiʼ máak. Tu tsʼookeʼ ku yuʼubikubaʼob maas tu juunaloʼob».

 Le Bibliaoʼ ku yaʼalik: «Le máax ku máan yéetel máaxoʼob yaan u naʼatoʼobeʼ yaan u yantal u naʼat, pero le máax ku biskuba yéetel le j-maʼ naʼatoʼoboʼ yaan u bin kʼaasil tiʼ» (Proverbios 13:20). Wa táan u kíimil máak yéetel wiʼijeʼ, ¿máasaʼ jeʼel u jaantik jeʼel baʼaxakeʼ? Bey túun xanoʼ, máax táan u sen kaxkuba utiaʼal u yantal u amigoʼobeʼ jeʼel u biskuba chéen yéetel jeʼel máaxakeʼ. Jeʼel tak u túulchʼintaʼal u beet baʼax maʼ u kʼáateʼ. Tsʼoʼoleʼ jeʼel xan u tuklik maʼ kʼaas u biskuba yéetel máaxoʼob beyaʼ tumen letiʼobeʼ deporsi bey u modosoʼoboʼ.

 Baʼax k-kanik: Tuláakloʼon ku kʼuchul u kʼiinil k-uʼuyikba chéen t-juunal, baʼaleʼ yaneʼ maas ku yaatal u yóol ke u maasil. Tsʼoʼoleʼ kex yaj u yuʼubik máak u yantal chéen tu juunaleʼ, jeʼel u xuʼulul u yuʼubikuba beyoʼ. Le oʼolaleʼ maʼalob ka a kʼaʼajs lelaʼ: le baʼax ka wuʼuyikoʼ ku taal tiʼ baʼax ka tuklik. Wa ka controlartik baʼax ka tuklikeʼ jeʼel u jáawal a wuʼuyikaba ta juunaleʼ.

 Jeanette, máax tsʼoʼok yáax chʼaʼchiʼitikeʼ, ku yaʼalik: «Maʼ tu páajtal a amigotik tuláakal máak. Baʼaleʼ jeʼel u yantal máaxoʼob yaabiltikecheʼ. Leloʼ jeʼel u beetik u kiʼimaktal a wóoleʼ. Wa yaabiltaʼanecheʼ, maʼ ten a wuʼuyaba ta juunal».

 ¿A kʼáat wa a wojéelt u maasil? Xok le cuadro « Maʼ a sajaktal». Jeʼel xan u páajtal a descargartik le PDF ich español «Qué puedes hacer para no sentirte tan solo».