Kanáant a puksiʼikʼal
Kanáant a puksiʼikʼal
Asamblea tiʼ distrito tiʼ U j-jaajkunajoʼob Jéeoba
TEKSTO UTIAʼAL VIERNES
Jéeobaeʼ ku paktik le puksiʼikʼaloʼ (1 SAMUEL 16:7)
TEKSTO UTIAʼAL SÁBADO
«Tu chiʼ máak ku jóokʼol baʼax yaan tu puksiʼikʼal» (MATEO 12:34)
TEKSTO UTIAʼAL DOMINGO
Meyajt Jéeoba yéetel tuláakal a puksiʼikʼal (1 CRÓNICAS 28:9)
Le Bibliaoʼ óoliʼ mil u téenel ku tʼaan tiʼ le puksiʼikʼaloʼ. Yaʼab u téeneleʼ maʼ táan u tʼaan jach tiʼ u puksiʼikʼal máakiʼ. ¿Baʼax túun u kʼáat u yaʼale? Maases táan u tʼaan tiʼ jach bix juntúul máak: baʼaxoʼob ku tuklik, baʼaxoʼob ku yuʼubik yéetel baʼaxoʼob ku tsʼíiboltik.
¿Baʼaxten unaj k-kanáantik k-puksiʼikʼal? Dioseʼ tu nuʼuktaj rey Salomón utiaʼal ka u tsʼíibte: «Utsil kanáant a tuukul [wa a puksiʼikʼal] yéetel chúukaʼan óolal, tumen letiʼ u sayabil a kuxtal» (Proverbios 4:23). Le oʼolaleʼ utiaʼal ka xiʼiktoʼon utsil beora yéetel teʼ kʼiinoʼob ku taaloʼoboʼ, unaj k-kanáantik k-puksiʼikʼal. Tumen Dioseʼ u yojel baʼax yaan ichil (1 Samuel 16:7). Jeʼex túun k-ilkoʼ, le bix u yilaʼal máak tumen Diosoʼ yaan yil yéetel le jach bix yanik máak tu «tsʼuʼ [u] puksiʼikʼal[oʼ]» (1 Pedro 3:4).
Bey túunoʼ, ¿bix jeʼel u páajtal k-kanáantik k-puksiʼikʼaleʼ? Lelaʼ letiʼe kʼáatchiʼ ku núukaʼal teʼ asambleaʼob ku beetaʼal tumen u j-jaajkunajoʼob Jéeoba tiʼ tuláakal yóokʼol kaab teʼ jaʼabaʼ. K-invitartikech utiaʼal ka xiʼikech tu yóoxpʼéel kʼiinil le asambleaoʼ. * Yaan a kanik bix jeʼel a kuxtal utiaʼal ka a kiʼimakkúunt u yóol u puksiʼikʼal Jéeoba Dioseʼ (Proverbios 27:11).
[Tsolajiloʼob]
^ xóot’ol 11 Utiaʼal a wilik máakalmáak le asamblea kun beetbil maas naatsʼ teʼ tuʼux kajaʼanechoʼ, ooken Internet tiʼ www.isa4310.com. Jeʼel u páajtal xan a tʼaan yéetel u j-jaajkunajoʼob Jéeoba yaan teʼ tuʼux kajaʼanechoʼ wa yéetel le máaxoʼob jóoʼs le revistaaʼ.
[Máax tsʼáaik le foto yaan teʼ táan juʼun 32]
Foto yaan ta x-noʼoj: Aus dem Fundus der MÜNCHNER OLYMPIAPARK GMBH (Múnich)
