Tu Najil Reinoeʼ minaʼan baʼax oʼolal u jach chiʼichnaktal le múuchʼulil yoʼolal tuʼux unaj u kutal juntúul máax expulsado. Desde úuchjeakileʼ le jóoʼsaʼaniloʼoboʼ ku yaʼalik tiʼ le taatatsiloʼob ka u yáantoʼob juntúul u paal expulsado, wa láayliʼ kajaʼan tu yéeteloʼob yéetel wa maʼalob u yilkoʼob. U Pʼíich Tulumil Kanan ich español, 15 tiʼ noviembre tiʼ 1988, táan juʼun 19 yéetel 20, tu yaʼaleʼ le taatatsiloʼoboʼ jeʼel u páajtal u tsʼáaikoʼob xook tiʼ juntúul u paal expulsado menor de edad wa láayliʼ kajaʼan tu yéeteloʼobeʼ. Tumen leloʼ jeʼel u yáantik le paal utiaʼal u suut yiknal Jéeobaoʼ.

Teʼ Najil Reinooʼ juntúul menor de edad expulsadoeʼ jeʼel u páajtal u múul kutal yéetel u taataʼobeʼ. Tumen mix baʼal aʼalik wa unaj u kutal le expulsadoʼob teʼ sillaʼob yaan paachiloʼ, maʼ kʼaas ka múul kulak le paal yéetel u taataʼob jeʼel tuʼuxak ka kulakoʼobeʼ. Jeʼex u páaʼtaʼaleʼ le taatatsiloʼoboʼ u kʼáat u yáant u paalaloʼob. Le oʼolal wa ku kutaloʼob yéetel u paal expulsadoeʼ, yaan u páajtal u yilkoʼob wa ku chʼenxikintik le muchʼtáambaloʼ bey xan wa ku jóoʼsik u yutsil.

¿Kux túun wa le menor de edad expulsado maʼ kajaʼan yéetel u taataʼobiʼ? ¿Unaj wa u múul kutal tu yéeteloʼob? Desde úuchjeakileʼ le jóoʼsaʼaniloʼoboʼ, tsʼoʼok u yaʼalik bix unaj u biskuba máak yéetel u láakʼtsiloʼob expulsartaʼanoʼob wa maʼ kajakbaloʼob tu yotochoʼobiʼ. * Baʼaleʼ le u múul kutal le taatatsiloʼob yéetel juntúul u paal menor de edad expulsado teʼ muchʼtáambaloʼ maʼ u kʼáat u yaʼal wa táan u kaxtik u bisubaʼob tu yéeteliʼ. Wa u maasil u láakʼtsiloʼob ku meyajtikoʼob Jéeoba ku yilik maʼ u biskubaʼob tu yéetel jeʼex u yaʼalik le Bibliaoʼ, minaʼan baʼax oʼolal u chiʼichnaktal le múuchʼuliloʼ (1 Cor. 5:11, 13; 2 Juan 11).

Wa le expulsado ku kutal tu tséel u láakʼtsiloʼob wa tu tséel yaanal máaxeʼ, minaʼan baʼax oʼolal u chiʼichnaktal le múuchʼulil wa ku beetik le baʼax ku páaʼtaʼaltiʼoʼ. Yaan kʼiineʼ le u yaʼalaʼal jach tuʼux unaj u kutal le máax expulsadooʼ, jeʼel u taasik uláakʼ talamiloʼobeʼ. Le oʼolaleʼ wa u familia le máax expulsado bey xan tuláakal le múuchʼulil ku tratartik jeʼex u yaʼalik le Biblia, yéetel wa le tuʼux ku kutal maʼ tu beetik u tʼóochpajal mix máakoʼ, maʼ unaj u sen chiʼichnaktal máak tu yoʼolaliʼ.