U EVANGELIOIL Mateo 21:12 yéetel 13, ku yaʼalik: «Ka túun ook Jesús teʼ templooʼ, ka tu jóoʼsaj tuláakal le máaxoʼob ku koonoloʼob yéetel ku maanoʼob teʼeloʼ, yéetel tu walkʼesaj u mesaʼob le máaxoʼob ku kʼexkoʼob taakʼinoʼ bey xan u kʼáancheʼob le máaxoʼob ku konkoʼob palomaʼoboʼ. Ka tu yaʼalajtiʼob: ‹Le Kiliʼich Tsʼíiboʼ ku yaʼalik: «In wotocheʼ yaan u yaʼalaʼaltiʼ u najil oración», baʼaleʼ teʼexeʼ táan a sutkeʼex u kúuchilil u taʼakikuba le j-ookoloʼoboʼ›».

U tsikbalil u kuxtal le judíoʼob úuchjeakiloʼ ku yeʼesikeʼ jach koʼojchaj u koonol le máakoʼob teʼ templooʼ. Junpʼéel úuchben tsʼíibeʼ ku yaʼalikeʼ, teʼ yáax siglooʼ tu chukaj junpʼéel denario de oro kaʼatúul paloma. Lelaʼ letiʼe bajux ku náajaltaʼal ich veinticinco kʼiinoʼoboʼ. Le máaxoʼob óotsiloʼoboʼ jeʼel u páajtal kaʼach u kʼubkoʼob bey siibal kaʼatúul mukuy wa kaʼatúul palomaeʼ. Chéen baʼaleʼ úuchik u jach koʼojtaloʼobeʼ pʼáat maʼ tu béeytal u manikoʼob (Lev. 1: 14; 5:7; 12: 6-8). Simeón ben Gamaliel, juntúul máak ku kaʼansik kaʼach u leyil le judíoʼoboʼ, jach pʼuʼuj ka tu yilaj baʼax ku beetaʼal, le oʼolal tu yaʼalaj maʼ tsaaj ka sen kʼuʼubuk le siibaloʼob beyaʼ. Yoʼolal lelaʼ kex cien u téenel éemik u tojol kaʼatúul mejen chʼíichʼ.

Jeʼex túun k-ilkoʼ, Jesuseʼ maʼalob úuchik u yaʼalik «j-ookol» tiʼ le máakoʼobaʼ, tumen jach táaj koʼoj u koonoloʼob kaʼach teʼ templooʼ.