Techeʼ ¿baʼax ka tuklik?

• Beyoʼ

• Maʼ

• Maʼ xaaniʼ

Baʼax ku yaʼalik le Bibliaoʼ

«Tu tsʼook kʼiinoʼobeʼ yaan u yilaʼal yaayaj kʼiinoʼob yéetel istikyaj ken u máansil u kuxtal máak» (2 Timoteo 3:1). Le profecíaʼob yaan teʼ Biblia yéetel le baʼaxoʼob ku yilaʼal bejlaʼoʼ ku yeʼesik kuxaʼanoʼon «tu tsʼook kʼiinoʼob».

Baʼax uláakʼ ku yaʼalik le Bibliaoʼ

• Teʼ tu tsʼook kʼiinoʼobaʼ yaan u sen baʼateʼel le kaajoʼoboʼ, yaan u pʼáatal minaʼan baʼal jaantbil, yaan u sen tíitkuba le luʼumoʼ yéetel yaan u yaʼabtal le kʼojaʼaniloʼob kíimsik máakoʼ (Mateo 24:3, 7; Lucas 21:11).

• Teʼ tu tsʼook kʼiinoʼobaʼ le máakoʼoboʼ tsʼoʼok u jach kʼastal bix u kuxtaloʼob bey xan u religionoʼob (2 Timoteo 3:2-5).

Baʼax ku tuklik jujuntúul máakoʼob. Yaan máaxoʼob aʼalikeʼ yaan u xuʼulsaʼal wíinik bey xan le yóokʼol kaabaʼ, uláakʼ máakoʼobeʼ ku yaʼalikoʼob yaan u maʼalobtal tuláakal baʼal. Techeʼ ¿baʼax ka tuklik?

Baʼax ku yaʼalik le Bibliaoʼ

«Le utsil máakoʼoboʼ bíin u tiaʼalintoʼob le luʼumaʼ; tiʼ bíin kajlakoʼob utiaʼal jaʼaboʼob minaʼan u xuul» (Salmo 37:29).

Baʼax uláakʼ ku yaʼalik le Bibliaoʼ

• Ken tsʼoʼokkeʼ yaan u xuʼulsaʼal le kʼasaʼaniloʼ (1 Juan 2:17).

• Le Luʼumaʼ yaan u suʼutul paraísoil (Isaías 35:1, 6).