KʼAAY 58
K-kaxtik máax u kʼáat u jeetsʼelil Dios
-
1. Cristo Jesuseʼ tu kʼubéentajtoʼon:
«Bis u Tʼaan Dios teʼ kaajoʼoboʼ,
jach kaʼans tuláakal wíinikoʼob».
Letiʼeʼ tu kaʼansu Tʼaan Jéeoba mantatsʼ,
jach kʼaʼaytajnaj tiʼ tuláakal
yéetel yaabilaj.
Jeʼel bix letiʼeʼ teʼ kʼiinoʼobaʼ
táan k-kaʼansik xan u Tʼaan Jéeoba.
K-kaxtik le máax u kʼáat le jeetsʼeliloʼ.
(CORO)
Koʼoneʼex kaxtik
le máax u kʼáat le salvacionoʼ.
Koʼoneʼex bisik
u Tʼaan Jéeoba tiʼ le utsoʼoboʼ.
Koʼoneʼex tsʼáaik k-óol
teʼ kʼaʼaytajoʼ.
-
2. U kuxtal máakeʼ jach koʼoj u tojol.
Toʼoneʼ k-ilik k-kaʼa xíimbaltik
le máax u kʼáat maas kaanbaloʼ.
Táan xan u náatsʼal u noj kʼiinil Dios
le oʼolaleʼ maʼ tu xuʼulul
k-áantik wíinikoʼob.
Kʼaʼabéet k-tsʼáaik k-óol teʼ kʼaʼaytajoʼ,
najil najil wa teʼ bejoʼ.
Tuláakal tuʼux unaj k-bisik u Tʼaan Dios.
(CORO)
Koʼoneʼex kaxtik
le máax u kʼáat le salvacionoʼ.
Koʼoneʼex bisik
u Tʼaan Jéeoba tiʼ le utsoʼoboʼ.
Koʼoneʼex tsʼáaik k-óol
teʼ kʼaʼaytajoʼ.
(Ilaʼak xan Isa. 52:7; Mat. 28:19, 20; Luc. 8:1; Rom. 10:10.)
