XOOK 8
Meyajnaktech kettʼaanoʼob
Mateo 13:34, 35
U NOOY: Utiaʼal a jatsʼutskíintik a kaʼansajeʼ aʼal kettʼaanoʼob maʼ talam u naʼataʼaliʼ. Beyoʼ yaan u taaktal u yuʼubaʼal baʼax ken a kaʼanse yéetel yaan u naʼataʼal tubeel.
BIX KEN A BEETE:
-
Yéey kettʼaanoʼob maʼ talamtakiʼ. Jeʼex Jesuseʼ meyajnaktech baʼaloʼob kʼaj óolaʼanoʼob utiaʼal a tsolik baʼaloʼob talamtak; maʼ a waʼalik u maasil wa maʼ kʼaʼabéetiʼ. Ilawil wa maʼalob le kettʼaan utiaʼal le baʼax táan a kaʼansikoʼ, beyoʼ maʼ tun xaʼakʼpajal u tuukul le máaxoʼob uʼuyikechoʼ.
-
Tuukulnen tiʼ máaxoʼob uʼuyikech. Yéey kettʼaanoʼob yaan yil yéetel baʼaxoʼob suuk u beetkoʼob wa tiʼ baʼaxoʼob uts tu yichoʼob. Ilawil maʼ a beetik u tsʼíikiloʼob wa u suʼlaktaloʼob.
-
Tsol baʼax a kʼáat a kaʼanse. Meyajnaktech kettʼaanoʼob chéen utiaʼal a tsolik le baʼaxoʼob maas kʼaʼanaʼantakoʼ. Beet u tʼíilil tu tuukuloʼob le baʼax a kʼáat a kaʼansoʼ, maʼ chéen le kettʼaanoʼ.
