XOOK 55
Áantajnen ta múuchʼulil
Tiʼ tuláakal yóokʼol kaabeʼ u millonesil máakoʼobeʼ kiʼimak u yóoloʼob ikil u adorarkoʼob Jéeoba teʼ múuchʼulil tuʼux yanoʼoboʼ. Letiʼobeʼ jatsʼuts u yilkoʼob le kaʼansaj ku tsʼaʼabaltiʼoboʼ yéetel kiʼimak u yóoloʼob ikil u yáantajoʼob teʼ múuchʼuliloʼ. ¿Bey wa a wuʼuyikaba teʼ múuchʼulil tuʼux yanechoʼ?
1. ¿Bix jeʼel a wáantaj yéetel a tiempo bey xan yéetel a muukʼeʼ?
Tuláakloʼon jeʼel u páajtal k-áantaj teʼ múuchʼuliloʼ. Por ejemploeʼ, ¿yaan wa sukuʼunoʼob kʼojaʼanoʼob yéetel tsʼoʼok u yantal u jaʼabiloʼob? ¿Jeʼel wa u páajtal a biskoʼob reunióneʼ? ¿Jeʼel wa u páajtal a bin a man baʼax kʼaʼabéettiʼob wa a wáantkoʼob tiʼ wa baʼax ichil u yotochoʼobeʼ? (Xok Santiago 1:27). Jeʼel xan u páajtal k-áantaj teʼ limpiezaoʼ bey xan le kéen kʼaschajak wa baʼax teʼ lugar tuʼux k-muchʼikbaoʼ. Mix máak obligarkoʼon k-beet le baʼaloʼobaʼ, toʼoneʼ «yéetel kiʼimak óolal» k-beetik tumen k-yaabiltmaj Jéeoba bey xan le sukuʼunoʼoboʼ (Salmo 110:3).
U testigoʼob Jéeoba tsʼoʼok u yokjaʼoboʼ yaan uláakʼ bix jeʼel u yáantajoʼob teʼ múuchʼuliloʼ. Por ejemploeʼ yaan sukuʼunoʼobeʼ ku chupikoʼob u requisitosil utiaʼal u beetik u siervo ministerialiloʼob yéetel kéen máanak kʼiineʼ ka u beet u ancianoiloʼob. Tsʼoʼoleʼ tuláakal le sukuʼunoʼob yéetel le kiikoʼoboʼ jeʼel u páajtal u beetik u precursoriloʼobeʼ. Jujuntúul sukuʼunoʼobeʼ ku binoʼob áantaj utiaʼal u beetaʼal le lugaroʼob tuʼux k-adorartik Jéeobaoʼ yéetel uláakʼoʼobeʼ ku binoʼob teʼ múuchʼuliloʼob tuʼux kʼaʼabéet áantajoʼ.
2. ¿Bix jeʼel k-áantaj yéetel taakʼin bey xan yéetel uláakʼ baʼaloʼobeʼ?
Le Bibliaoʼ ku yaʼalik: «Alabart Jéeoba, tsʼáa tiʼ letiʼ le baʼaloʼob maas maʼalobtak yaantechoʼ» (Proverbios 3:9). Toʼoneʼ jatsʼuts k-ilik k-tsʼáaik taakʼin yéetel le baʼaloʼob yaantoʼon utiaʼal le múuchʼuliloʼ bey xan utiaʼal u kaʼansaʼal u Reino Diosoʼ (xok 2 Corintios 9:7). Yéetel le taakʼin k-síikoʼ ku páajtal u yáantaʼal le sukuʼunoʼob uchaʼan wa baʼax loobil teʼ tuʼux kajaʼanoʼoboʼ. Yaʼab sukuʼunoʼobeʼ suuk «u jóoʼs[koʼob] junpáayil» le taakʼin ken u síiʼoboʼ (xok 1 Corintios 16:2). Wa taak a síik wa bajuxeʼ jeʼel u páajtal a tsʼáaik teʼ cajaʼob yaan teʼ tuʼux k-muchʼikbaoʼ wa ich Internet teʼ donate.isa4310.com. Jéeobaeʼ ku tsʼáaiktoʼon u páajtalil k-eʼesiktiʼ k-yaabiltmaj yéetel le baʼaxoʼob yaantoʼonoʼ.
UTIAʼAL A MAAS NAʼATIK
Koʼox ilik bix jeʼel u páajtal a wáantaj teʼ múuchʼuliloʼ.
3. Jeʼel u páajtal a wáantaj yéetel le baʼaxoʼob yaantechoʼ
Jéeoba yéetel Jesúseʼ u yaabiltmoʼob le máaxoʼob yéetel kiʼimak óolal ku síikoʼob wa baʼaxoʼ. Jesúseʼ tu yileʼ juntúul koʼolel kimen u yíichameʼ kex sen óotsileʼ tu síiaj tuláakal le bukaʼaj yaantiʼoʼ. Xokeʼex Lucas 21:1-4, kéen tsʼoʼokkeʼ ka tsikbaltikeʼex lelaʼ:
-
¿Kʼaʼabéet wa k-síik yaʼab taakʼin utiaʼal k-kiʼimakkúuntik u yóol Jéeoba?
-
¿Bix u yuʼubikuba Jéeoba yéetel Jesús le kéen u yiloʼob ku síijil t-puksiʼikʼal k-síik wa bajuxoʼ?
Utiaʼal a wojéeltikeʼex bix u meyaj le taakʼin ku siʼibiloʼ chaʼanteʼex le VIDEOOʼ. Kéen tsʼoʼokkeʼ ka tsikbaltikeʼex lelaʼ:
-
¿Baʼax utsiloʼob ku kʼamik le múuchʼuliloʼob tiʼ tuláakal yóokʼol kaab yoʼolal le taakʼin k-síikoʼ?
4. Techeʼ jeʼel u páajtal a wáantajeʼ
Le máaxoʼob meyajt Jéeoba úuchjeakiloʼ maʼ chéen yéetel taakʼin áantajnajoʼob utiaʼal u yutskíintaʼal le lugar tuʼux ku adoraroʼoboʼ. Xokeʼex 2 Crónicas 34:9-11, kéen tsʼoʼokkeʼ ka tsikbaltikeʼex lelaʼ:
-
¿Baʼax tu beetaj le israelitaʼob utiaʼal u kanáantkoʼob u «yotoch Jéeoba» wa le lugar tuʼux ku adoraroʼoboʼ?
U testigoʼob Jéeobaeʼ ku beetkoʼob jeʼex le israelitaʼoboʼ, utiaʼal a wilkeʼex bix u beetkoʼobeʼ chaʼanteʼex le VIDEOOʼ. Kéen tsʼoʼokkeʼ ka tsikbaltikeʼex lelaʼ:
-
¿Baʼaxten kʼaʼabéet k-tsʼáaik mantenimiento yéetel k-pʼatik limpioil le najoʼob tuʼux k-muchʼikbaoʼ?
-
Techeʼ, ¿bix jeʼel a wáantajeʼ?
5. Le sukuʼunoʼoboʼ jeʼel u páajtal u maas áantajoʼob teʼ múuchʼuliloʼ
Le Bibliaoʼ ku yaʼalikeʼ le xiiboʼoboʼ kʼaʼabéet u maas tsʼáaik u yóol u adorartoʼob Jéeoba yéetel u maas áantajoʼob teʼ múuchʼuliloʼ. Koʼox kʼaj óoltik juntúul sukuʼun bey tu beetiloʼ, utiaʼal leloʼ chaʼanteʼex le VIDEOOʼ. Kéen tsʼoʼokkeʼ ka tsikbaltikeʼex lelaʼ:
-
Jeʼex t-ilil teʼ videooʼ, ¿baʼaxoʼob tu beetaj Ryan utiaʼal u maas tsʼáaik u yóol u meyajt Jéeoba yéetel utiaʼal u maas áantaj teʼ múuchʼuliloʼ?
Le Bibliaoʼ ku yaʼalik baʼax requisitosil unaj u chupik le sukuʼunoʼob u kʼáat u beet siervo ministerialiloʼob yéetel u ancianoiloʼoboʼ. Xokeʼex 1 Timoteo 3:1-13, kéen tsʼoʼokkeʼ ka tsikbaltikeʼex lelaʼ:
-
¿Baʼax ku páaʼtaʼal tiʼ le sukuʼunoʼob taak u beetik u siervo ministerialiloʼob yéetel u ancianoiloʼoboʼ?
-
¿Baʼax ku páaʼtaʼal ka u beet u yatan yéetel u paalal? (Ilawileʼex versículo 4 yéetel 11).
-
Wa ku tsʼáaik u yóol le sukuʼunoʼob u chupoʼob le requisitosoʼ, ¿baʼax utsil ken u taas tiʼ le múuchʼuliloʼ?
BAʼAX SUUK U KʼÁATAʼAL: «¿Tuʼux ku chʼaʼik taakʼin u testigoʼob Jéeoba utiaʼal u boʼotkoʼob tuláakal le baʼax ku beetkoʼoboʼ?».
-
¿Baʼax jeʼel a núukikeʼ?
BAʼAX TSOʼOLI
Jéeobaeʼ ku valorartik le kéen áantajnakoʼon teʼ múuchʼulil yéetel k-tiempo, k-muukʼ, k-taakʼin bey xan yéetel le uláakʼ baʼaxoʼob yaantoʼonoʼ.
Baʼax ta kanaj
-
¿Bix jeʼel k-áantik le múuchʼulil yéetel k-tiempo bey xan yéetel le muukʼ yaantoʼonoʼ?
-
¿Bix jeʼel k-áantik le múuchʼulil yéetel k-taakʼin bey xan yéetel le uláakʼ baʼaxoʼob yaantoʼonoʼ?
-
Techeʼ, ¿bix a kʼáat a wáant le múuchʼuliloʼ?
KAN U MAASIL
Kan baʼaxten Dioseʼ bejlaʼeʼ maʼatech u kʼáatik le diezmo tiʼ le máaxoʼob meyajtikoʼ.
«¿Baʼax ku yaʼalik le Biblia yoʼolal le diezmooʼ?» (Xok teʼ jw.org)
¿Baʼax unaj u beetik juntúul kiik wa ku kʼaʼabéettal u yáantaj teʼ múuchʼuliloʼ?
«¿Tiʼ máaxoʼob tsʼaʼan autoridad teʼ múuchʼuliloʼ?» (U Pʼíich Tulumil Kanan, febrero tiʼ 2021)
Ilawil baʼax ku beetik jujuntúul Testigoʼob utiaʼal u biskoʼob publicaciónoʼob tiʼ le sukuʼunoʼoboʼ.
U testigoʼob Jéeobaeʼ maʼ beyoʼob jeʼex u maasil religiónoʼoboʼ. Ojéelt tuʼux ku chʼaʼikoʼob le taakʼin ku meyajtiʼoboʼ.
«U testigoʼob Jéeobaeʼ, ¿tuʼux ku chʼaʼikoʼob le taakʼin ku meyajtiʼoboʼ?» (Xok teʼ jw.org)
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
