Le tʼaan precursoroʼ u kʼáat u yaʼal xan le máax ku bin táaniloʼ yéetel bey suuk u yaʼalaʼal tiʼ le máax ku jeʼik u bejil utiaʼal le máaxoʼob ku taaloʼob paachiloʼ. Jeʼel u páajtal k-aʼalikeʼ Jesuseʼ juntúul precursor tumen letiʼeʼ túuxtaʼab way Luʼum utiaʼal u beet junpʼéel meyaj ku tsʼáaik kuxtal yéetel utiaʼal u jeʼik u bejil le salvacionoʼ (Mateo 20:28). Bejlaʼa xaneʼ jeʼex úuchik u beetik Jesuseʼ, toʼoneʼ k-máansik yaʼab tiempo táan k-kaʼansik uláakʼ máakoʼob (Mateo 28:19, 20). Yanoʼobeʼ táan u beetik u precursoriloʼob.

U kʼubmuba u kʼaʼayt le maʼalob péektsiloʼ. Tuláakal u j-jaajkunajoʼob Jéeoba kʼaʼaytik le maʼalob péektsiloʼ. Baʼaleʼ yaʼab tiʼ letiʼobeʼ tsʼoʼok u yilik u beetik u precursor regulariloʼob, letiʼobeʼ ku kʼaʼaytajoʼob setenta horas cada mes. Utiaʼal lelaʼ yaʼabeʼ ku yilik maʼ u sen chʼíikil meyaj. Uláakʼoʼobeʼ ku yéeyaʼaloʼob utiaʼal ka u beet u precursor especialiloʼob yéetel ku túuxtaʼaloʼob tuʼux maas kʼaʼabéet j-kʼaʼaytajoʼob; cada meseʼ ku kʼaʼaytajoʼob ciento treinta horas wa maas tiʼ. Letiʼobeʼ kiʼimak u yóoloʼob yéetel le junpʼíit baʼax yaantiʼoboʼ, tsʼoʼoleʼ u kʼubmaj u yóoloʼob tiʼ Jéeoba tumen letiʼ tsʼáaik le baʼax ku kʼaʼabéettaltiʼoboʼ (Mateo 6:31-33; 1 Timoteo 6:6-8). Le máax maʼ tu páajtal u beetik u precursor regularil wa u especialileʼ, jeʼel u páajtal u beetik u precursor auxiliarileʼ, letiʼobeʼ ku kʼaʼaytajoʼob treinta wa cincuenta horas cada mes.

U yaabilaj tiʼ Dios yéetel tiʼ u yéet máakil péeksik. Jeʼex Jesuseʼ, toʼon xaneʼ k-chʼaʼik óotsilil tiʼ le bix yanik le máaxoʼob náach yanikoʼob tiʼ Diosoʼ (Marcos 6:34). Baʼaleʼ le baʼaxoʼob tsʼoʼok k-kanik tiʼ Diosoʼ jeʼel u yáantik le máakoʼob desde beoraaʼ yéetel jeʼel u tsʼáaiktiʼob junpʼéel maʼalob esperanzaeʼ. Le yaabilaj ku yuʼubik le precursor yoʼolal u yéet máakiloʼ, le péeksik u xup u tiempo yéetel u muukʼ utiaʼal ka kʼaj óoltaʼak le maʼalob péektsiloʼ (Mateo 22:39; 1 Tesalonicailoʼob 2:8). Ken u beet bey le precursoroʼ ku muʼukʼaʼantal xan u fe bey xan le bix u biskuba yéetel Diosoʼ, leloʼ ku taasik kiʼimak óolal tiʼ (Baʼaxoʼob 20:35).

• ¿Baʼax juntúul precursor?

• ¿Baʼax péeksik jujuntúul sukuʼunoʼob utiaʼal ka u kʼububa u kʼaʼaytoʼob le maʼalob péektsiloʼ?