¿AWOJEL wa baʼaxten táan u jaʼajataʼal le nookʼ tumen le máakaʼ? Jéeoba aʼaltiʼ ka u beete. Le máakaʼ Ahías, u profeta Dios. ¿A wojel wa baʼax u meyaj utúul profeta? Utúul profetaeʼ tiʼ letiʼ ku yáax tsʼaʼabal u yojéelt tumen Dios baʼax ku taal u kʼiinil yúuchul.

Teʼelaʼ Ahíaseʼ táan u tsikbal yéetel Jeroboam. Ka beetaʼab le templooʼ kʼubéentaʼab tiʼ Jeroboam tumen Salomón ku beet u jaatsiʼ. Le ka tu yiluba Ahías yéetel Jeroboam teʼ bejoʼ, tu beetaj upʼéel baʼal jelaʼan. Tu luʼsaj le túumben nookʼ u búukintmajoʼ ka tu jóoʼsaj doce xéexetʼal tiʼ. Ka tiaʼalaj tiʼ Jeroboam ka u chʼaʼa diez u xéetʼeliʼ. ¿A wojel wa baʼaxten tiaʼalajtiʼ ka u chʼaʼaj dieziʼ?

Ahíaseʼ tiaʼaleʼ yaan u luʼsaʼal le reino tiʼ Salomón tumen Jéeobaoʼ. Tiaʼalaj xaneʼ, Dioseʼ yaan u tsʼáaik diez chʼiʼibaloʼob utiaʼal u gobernart Jeroboam. Leloʼ u kʼáat yaʼaleʼ chéen kaʼapʼéel chʼiʼibaloʼob kun pʼáatal u gobernart Roboam, u paal Salomón.

Le ka tu yojéeltaj Salomón baʼax tsʼoʼok yaʼalik Ahías tiʼ Jeroboameʼ, jach kʼuuxilnaji. Tu yóotaj u kíims Jeroboam, baʼaleʼ letiʼeʼ bin tu kaajil Egipto. Maʼ úuch túuneʼ ka kíim Salomón. Letiʼeʼ tu beetaj u reyil ich cuarenta jaʼaboʼob, baʼaleʼ beooraaʼ Roboam u reyil. Jeroboameʼ tiaʼan tu luʼumil Egipto ka tu yojéeltaj tsʼoʼok u kíimil Salomoneʼ, ka suunaj tu kaajil Israel.

Roboameʼ maʼ utsul reyiʼ. Maas yaʼab úuchik u pechʼ óoltik le máakoʼob tiʼ le tu beetaj Salomón, u taataoʼ. Jeroboam yéetel uláakʼ u nuuktakiloʼob le kaajoʼ bin u yaʼaloʼob tiʼ Roboam ka u yeʼes u yutsil tiʼe máakoʼoboʼ. Baʼaleʼ letiʼeʼ maʼ tu beetiʼ. Tu maas pechʼ óoltoʼob. Le oʼolaleʼ le máakoʼoboʼ tu yéeyoʼob Jeroboam, utiaʼal ku beet u reyil yóokʼol diez chʼiʼibaloʼob, baʼaleʼ u chʼiʼibal Benjamín yéetel Judaeʼ láayliʼ Roboam gobernarkoʼobeʼ.

Jeroboameʼ maʼ u kʼáat ka xiʼik le máakoʼob u adorartoʼob Jéeoba teʼ templo yaan Jerusalenoʼ. Le oʼolal tu beetaj kaʼatúul mejen wakax yéetel oro, ka tu beetaj u adorartaʼal tumen u máakiloʼob le diez chʼiʼibaloʼob yaan tu reinooʼ. Jach maʼ xáanchaj ka chuʼup le kaaj yéetel u sen beetaʼal baʼaloʼob kʼaastakoʼ.

Tu reinoi le kaʼapʼéel chʼiʼibaloʼ láayliʼ yaan xan talmiloʼobeʼ. Maʼ u tsʼáa cinco jaʼaboʼob káajak u reinar Roboameʼ, ka taal u reyil Egipto baʼateʼel yéetel u kaajil Jerusalén. Letiʼeʼ tu chʼaʼaj yaʼab tiʼe baʼaloʼob koʼojtak yaan tu templo Jéeobaoʼ. Bey túunoʼ le templooʼ maʼ xáanchaj jatsʼuts u yilaʼal jeʼex ka tsʼoʼok u beetaʼaloʼ.