• Job 37:20. Úuchjeakileʼ ¿bix u kʼuchul ojéeltbil wa baʼax? (it-1 pág. 519).

  U núukil

• ¿Baʼax jatsʼuts baʼaloʼob ta kanaj le ka ta xokaj le Biblia teʼ semanaaʼ?

  U núukil

U kaajal Jéeobaeʼ ku tsʼáaiktoʼon le áantaj kʼaʼabéet utiaʼal maʼ u tsʼaʼabaltoʼon kʼiʼikʼ jeʼex u yaʼalik u ley Diosoʼ (Hch 15:​28, 29). ¿Táan wa u meyajtech le áantajoʼobaʼ?

Directriz médica (DPA) yéetel Tarjeta de identidad (ic): Le tarjetaʼobaʼ ku meyaj utiaʼal u tsolik máak maʼ u kʼáat ka tsʼaʼabak kʼiʼikʼ tiʼ yéetel baʼax tratamientoʼob ku kʼamik. Le máaxoʼob okjaʼanajaʼanoʼoboʼ jeʼel u páajtal u kʼáatkoʼob le tarjeta DPA tiʼ le sukuʼun ilik le publicaciónoʼoboʼ yéetel wa yaan u paalaloʼob maʼ u tsʼáaj 18 años tiʼobeʼ jeʼel u páajtal u kʼáatkoʼob le Tarjeta de identidadoʼ. Jeʼel tuʼuxak ka xiʼikecheʼ unaj a bisik le tarjetaʼobaʼ. Wa minaʼantech bey xan wa kʼaʼabéet a actualizarkeʼ, beet tu séebaʼanil.

Utiaʼal koʼoleloʼob embarazadaʼob (S-401) yéetel Baʼaxoʼob unaj u yojéeltik le máaxoʼob kʼaʼabéet u operartaʼaloʼob wa u tsʼaʼabaltiʼob quimioterapiaoʼ (S-407): Le juʼunoʼobaʼ jeʼel u yáantkoʼon utiaʼal k-chʼaʼtuklik tubeel baʼax tratamientoil jeʼel k-kʼamkeʼ. Tsʼoʼoleʼ ku tsolik xan jujunpʼéel baʼaloʼob yaan yil yéetel le kʼiʼikʼoʼ. Wa teech embarazadaech, wa yaan a operartaʼal bey xan wa yaan u tsʼaʼabaltech tratamiento utiaʼal cáncereʼ, kʼáat tiʼ le ancianoʼob le juʼun kʼaʼabéettechoʼ.

Comité de Enlace yéetel le Hospitaloʼoboʼ (CEH): Ichil le comitéaʼ táakaʼan ancianoʼob kaʼansaʼanoʼob utiaʼal u tsʼáaikoʼob información yaan yil yéetel le kʼiʼikʼ tiʼ le doctoroʼob yéetel tiʼ le sukuʼunoʼoboʼ. Le sukuʼunoʼobaʼ ku páajtal u tsolkoʼob tiʼ le doctoroʼob baʼax uláakʼ tratamientoiloʼob jeʼel u páajtal u meyaj utiaʼal maʼ u tsʼaʼabal kʼiʼikʼ tiʼ máakeʼ. Tsʼoʼoleʼ ku páajtal xan u kaxtikoʼob doctoroʼob jeʼel u yóotik u tsʼakoʼob máak x-maʼ kʼiʼikʼeleʼ. Le comitéaʼ ku meyaj bul semana yéetel jeʼel baʼalak súutukil kʼaʼabéeteʼ. Wa yaan a ingresartaʼal, a operartaʼal, wa u tsʼaʼabaltech junpʼéel tratamiento jeʼex le ku meyaj utiaʼal le cánceroʼ, unaj a tʼaan tu séebaʼanil yéetel le Comité de Enlaceoʼ, kex wa tsʼoʼok u yaʼalaʼaltech maʼ kun tsʼaabiltech kʼiʼikʼ. Jeʼel u páajtal a kʼáatik tiʼ juntúul anciano ka u máanstech u número juntúul tiʼ le sukuʼunoʼob táakaʼanoʼob ichil le Comité de Enlaceoʼ.

Tsʼáa le VIDEO ¿Baʼax meyajil ku beetik le Comité de Enlace yéetel le Hospitaloʼoboʼ? Tsʼoʼoleʼ beet le kʼáatchiʼaʼ:

¿Bix jeʼel u yáantkoʼon le CEH wa kʼaʼabéet u tsʼaʼabaltoʼon junpʼéel tratamiento bey xan wa kʼaʼabéet k-operartaʼal?