Salmos 88:1-18
Le kʼaayaʼ u paalal Coré tsʼíibte.+ Utiaʼal máax ku nuʼuktaj: unaj u paʼaxal jeʼex Majalat, yéetel unaj u kʼaʼayal por turno. U Maskil Emán,+ u hijo Zera.
88 Jéeoba Dios, bul kʼiin yéetel bul áakʼabtáan in kʼáatiktech áantaj,+tumen chéen teech jeʼel a salvarkeneʼ.+
2 Kexiʼ ka kʼuchuk in oración ta wiknaleʼ,+chʼenxikinteniʼ* tumen táan in sen kʼáatiktech áantaj.+
3 In kuxtaleʼ chuup yéetel problemas,+taʼaytak in bin teʼ Muknaloʼ.*+
4 Tsʼoʼok in xoʼokol ichil le máaxoʼob táan u binoʼob yáanal luʼumoʼ.+
Tsʼoʼok u pʼáatal maʼ tu páajtal in beetik mix baʼal,*+
5 xúumpʼattaʼanen ichil le kimenoʼoboʼ,ichil le kimenoʼob yanoʼob teʼ yáanal luʼumoʼ,le máaxoʼob tsʼoʼok a tuʼubsikoʼoboʼ,le máaxoʼob náachkuntaʼanoʼob tiʼ le máaxoʼob ka wáantkoʼoboʼ.
6 Tsʼoʼok a beetik in bin tu maas taamil le luʼumoʼ,teʼ tuʼux táaj éeʼjochʼeʼenoʼ, teʼ tuʼux sen taamoʼ.
7 Jach táaj pʼujaʼanech tin contra, kin wuʼuyik táan a pechʼken.+
Le baʼaxoʼob ka beetkoʼ bey nukuch olas ku jatsʼkubaʼob tiʼ teneʼ. (Séla)
8 Tsʼoʼok a beetik u náachtal le máaxoʼob in kʼaj óoloʼoboʼ.+
Tsʼoʼok a beetik u jach pʼektikenoʼob.
Kin wuʼuyik bey kʼalaʼanen yéetel maʼ tu páajtal in púutsʼuleʼ.
9 Ikil in sen muʼyajeʼ tsʼoʼok u pʼáatal maʼ sáasil in paakatiʼ.+
Jéeoba Dios, bul kʼiin táan in kʼáatiktech áantaj.+
Kin tichʼik in kʼab ta tojil utiaʼal in orar tiʼ teech.
10 ¿Jeʼel wa u yilik le kimenoʼob le nukuch baʼaloʼob ka beetkoʼ?
¿Jeʼel wa u páajtal u alabarkech le kimenoʼoboʼ?+ (Séla)
11 Teʼ yáanal luʼumoʼ, ¿jeʼel wa u tsikbaltaʼal bix a weʼesik nojoch yaabilajeʼ?
Teʼ tuʼux ku xuʼulul tiʼ máakoʼ,* ¿jeʼel wa u tsikbaltaʼal bix a weʼesik chúukaʼan óolaleʼ?
12 Teʼ tuʼux éeʼjochʼeʼenoʼ, ¿jeʼel wa u yúuchul tʼaan tiʼ le nukuch baʼaloʼob a beetmoʼ?
Teʼ tuʼux ku tuʼubsaʼal máakoʼ, ¿jeʼel wa u yúuchul tʼaan tiʼ bix a beetik justiciaeʼ?+
13 Jéeoba Dios, teneʼ maʼ tu xuʼulul in kʼáatiktech áantaj,+cada ken sáasakeʼ in oracióneʼ ku kʼuchul ta táan.+
14 Jéeoba Dios, ¿baʼaxten ka rechazarken?+
¿Baʼaxten ka taʼakikaba tiʼ teen?+
15 Desde tin táankelmil táan in muʼyaj,taʼaytak in kíimil.+
Tsʼoʼok u siʼistal in wíinklil yoʼolal le yaayaj baʼaloʼob ka chaʼik in muʼyajtikoʼ.
16 Kin wuʼuyik jach pʼujaʼanech tin contra.+
Táan a xuʼulsikten yéetel le baʼaxoʼob ka beetkoʼ.
17 Bul kʼiin kin wuʼuyik bey jaʼ yaniloʼob tin baʼpacheʼ.
Jeʼel tuʼuxak ka in sutinbaeʼ táan u taaloʼob tin wóokʼol.
18 Tsʼoʼok a beetik u náachtal in amigoʼob bey xan le máaxoʼob in kʼaj óoloʼoboʼ.+
Chéen le éeʼjochʼeʼenil pʼaatal tin wiknaloʼ.
Notas
^ Wa «chinaba utiaʼal a wuʼuyiken».
^ Ilawil página 2572.
^ Wa «Tsʼoʼok in pʼáatal jeʼex juntúul máak minaʼan u muukʼeʼ».
^ Wa «Teʼ Abadónoʼ».
