Salmos 83:1-18
Le kʼaayaʼ Asaf tsʼíibte.+
83 In Dios, tʼaanakech.+
In Dios, maʼ a chéen ilik baʼax ku yúuchul, beet wa baʼax.
2 A enemigoʼobeʼ táan u woʼoltikubaʼob.+
Le máaxoʼob pʼekmilechoʼ táan u líikʼloʼob ta contra.
3 Ku x-mukul chʼaʼtuklikoʼob bix jeʼel u beetkoʼob kʼaas tiʼ a kaajaleʼ.
Ku x-mukul tsikbaltikoʼob bix jeʼel u beetkoʼob loob tiʼ le máaxoʼob ka kanáantikoʼ.*
4 Ku yaʼalikoʼob: «Koʼoteneʼex utiaʼal k-xuʼulskeʼex tiʼ u kaajil Israel+utiaʼal maʼ u kaʼa kʼaʼajsaʼal u kʼaabaʼ».
5 Letiʼobeʼ táan u múul tuklikoʼob baʼax ken u beetoʼob.
Tsʼoʼok u muchʼkubaʼob ta contra+
6 le ismaelitaʼob, le agritaʼob,+ u kajnáaliloʼob Edom, Moab,+
7 Guebal, Ammón,+ Amalek,Filistea+ yéetel Tiro.+
8 Tsʼoʼok xan u muchʼkuba u kajnáaliloʼob Asiria+ tu yéeteloʼob.
Letiʼobeʼ táan u apoyarkoʼob u paalal Lot.+ (Séla)
9 Beettiʼob jeʼex ta beetil tiʼ u kajnáaliloʼob Madiáneʼ,+jeʼex ta beetil xan tiʼ Sísara yéetel Jabín teʼ tuʼux ku máan u jaʼil Cisóneʼ.+
10 Ta xuʼulsajtiʼob tu kaajil En-dor.+
Pʼáatoʼob bey u taʼ baʼalcheʼ utiaʼal le luʼumoʼ.
11 Beettiʼob jeʼex úuchik a beetik tiʼ Oreb yéetel Zeebeʼ,+beet tiʼ u príncipeʼob* jeʼex ta beetil tiʼ Zeba yéetel Zalmunáeʼ,+
12 tumen letiʼobeʼ tu yaʼaloʼob: «Koʼoneʼex chʼaʼik le luʼum tuʼux kajakbal Diosoʼ».
13 In Dios, beet u pʼáatloʼob bey tikin kʼiʼix ku bisaʼal tumen iikʼeʼ,+pʼáatkoʼob jeʼex sojol ku bisaʼal tumen iikʼeʼ.
14 Jeʼex le kʼáakʼ ku tóokik le kʼáaxoʼ,jeʼex u méekʼaʼal le nukuch kʼáax tumen le kʼáakʼoʼ,+
15 bey ka a chʼaʼpachtoʼob yéetel junpʼéel kʼaʼamkach iikʼeʼ,+bey ka a jaʼas u yóoloʼob yéetel u yiikʼal junpʼéel ciclóneʼ.+
16 Jéeoba Dios, mixbaʼalkúuntoʼob,beyoʼ yaan u kaxtikoʼob bix jeʼel u lúubloʼob utsil techeʼ.
17 Mantatsʼ ka pʼáatkoʼob ich suʼtsilil yéetel ka jach sajakchajkoʼob.
Mixbaʼalkúuntaʼakoʼob yéetel xuʼulsaʼaktiʼob.
18 Ka u yojéelt le máakoʼoboʼ a kʼaabaʼeʼ Jéeoba,+chéen teech le Maas Nojoch Dios yaan tu yóokʼol tuláakal le luʼumaʼ.+
