Salmos 56:1-13
Utiaʼal máax ku nuʼuktaj: unaj u paʼaxal jeʼex le kʼaay ku kʼaabaʼtik «Juntúul paloma náach yanil maʼ tu yuʼubaʼal u kʼaay». Le kʼaayaʼ David tsʼíibte. Miktam. Lelaʼ tu beetaj úuchik u chuʼukul tu luʼumil Gat tumen le filisteoʼoboʼ.+
56 In Dios, chʼaʼten óotsilil tumen táan u atacarken le máakoʼoboʼ.
Bul kʼiin táan u baʼateloʼob tin contra, táan u beetkoʼob in muʼyaj.
2 Le máaxoʼob pʼekmilenoʼ, bul kʼiin táan u atacarkenoʼob.
Yaʼab tiʼ letiʼobeʼ ku creerkubaʼob tumen ku tuklikoʼob seguro u ganarkenoʼob.
3 Kéen in wuʼuy saajkeneʼ+ kin kʼubik in wóol tiʼ teech,+ in Dios.
4 Ku xuʼulul in sajaktal tumen kin confiar tiʼ Dios,tiʼ le Dios ku béeykuntik baʼax u yaʼalmoʼ.
Le oʼolaleʼ, ¿baʼax kʼaasil jeʼel u beetikten juntúul kʼeban máakeʼ?+
5 Bul kʼiin táan u kaxtikoʼob bix jeʼel u beetkoʼobten kʼaaseʼ.
Mantatsʼ táan u tuklikoʼob bix jeʼel u beetkoʼobten loobeʼ.+
6 Ku taʼakikubaʼob utiaʼal u atacarkenoʼob.
Ku chʼúuktikoʼob tuʼux kin máan,+chéen táan u páaʼtkoʼob u súutukil utiaʼal u kíimskenoʼob.+
7 In Dios, xúumpʼattoʼob tumen jach kʼasaʼanoʼob.
In Dios, ichil a pʼujaʼanileʼ xuʼuls tiʼ le kaajoʼoboʼ.+
8 Techeʼ a wojel tuʼux kin máan.+
Tsʼáa u jaʼil in wichoʼob ichil a bolsa de kʼéewel.*+
Le baʼaxoʼob úuchtenoʼ a láaj tsʼíibtmaj ta libro.+
9 In enemigoʼobeʼ yaan u púutsʼloʼob kéen u yuʼuboʼob táan in kʼáatik áantaj.+
Teneʼ jach in wojel tiaʼan Dios tin wéeteleʼ.+
10 Kin confiar tiʼ le Dios ku béeykuntik baʼax u yaʼalmoʼ.
Kin confiar tiʼ Jéeoba, le máax ku tsʼoʼokbesik baʼax u yaʼalmoʼ.
11 Maʼ saajkeniʼ tumen kin confiar tiʼ Dios.+
¿Baʼax jeʼel u páajtal u beetikten juntúul kʼeban máakeʼ?+
12 In Dios, yaan in tsʼoʼokbesik le baʼax in waʼalmajtechoʼ.+
Yaan in tsʼáaiktech gracias, yaan in kʼubiktech sacrificioʼob.+
13 Tumen tsʼoʼok a salvarken tiʼ le kíimiloʼ,+
tsʼoʼok a kanáantken utiaʼal maʼ in tʼóochpajal.+
Ta beetaj utiaʼal maʼ u xuʼulul in wantal ta táan, utiaʼal u seguer in kuxtal.+
Notas
^ Ilawil «Bolsa de kʼéewel», página 2558.
