Salmos 38:1-22
Junpʼéel kʼaay tu tsʼíibtaj David utiaʼal u kʼaʼajsaʼal junpʼéel baʼax úuchi.
38 Jéeoba Dios, maʼ a nuʼuktiken wa kʼuuxilnajaʼanech,maʼ a castigarken wa jach pʼujaʼanech.+
2 Kin wuʼuyik jach tsʼoopolten a flechaʼob,kin wuʼuyik a pechʼmen yéetel a kʼab.+
3 Tumen pʼujaʼanech yoʼolal baʼax in beetmeʼ mix junpʼéel parte tiʼ in wíinklil maʼalob yanil.
Yaachajaʼan tuláakal in baakeloʼob tumen kʼebanchajaʼanen.+
4 Kin wuʼuyik táan u pechʼken le baʼaxoʼob maʼ maʼalobtak in beetmoʼ,+beyoʼob junpʼéel baʼal jach aal maʼ tu páajtal in kuchkeʼ.
5 Tumen minaʼan in naʼateʼ tsʼoʼok u tuʼutal yéetel tsʼoʼok u infectarle llagaʼob yaan tin wíinkliloʼ.
6 Maʼ tu xuʼulul in sen tuukul, jach yaachajaʼan in wóol.
Bul kʼiin lubaʼan in wóol.
7 Kin wuʼuyik bey yaan baʼax ku yelel ichil in wíinklileʼ,táan u muʼyaj tuláakal in wíinklil.+
8 Kin wuʼuyik jach pechʼaʼanen, tsʼoʼok u siʼistal tuláakal in wíinklil.
Kʼaʼam in wáakam tumen yaachajaʼan u yóol in puksiʼikʼal.
9 Jéeoba Dios, techeʼ a wojel baʼax kin tsʼíiboltik,a wojel bix in jajak iikʼ.
10 In puksiʼikʼaleʼ táan u sen kukulankil, tsʼoʼok u pʼáatal minaʼan in muukʼ,yéetel minaʼan u sáasil in wichoʼob.+
11 In amigoʼob yéetel le máaxoʼob in kʼaj óoloʼoboʼ ku náachtaloʼob tiʼ teen kéen u yiloʼob baʼax ku yúuchulten.
Le máaxoʼob jach kin biskinba tu yéeteloʼoboʼ maʼ tu náatsʼloʼob tin wiknal.
12 Pero le máaxoʼob taak u kíimskenoʼoboʼ ku tsʼáaikoʼob trampaʼob teʼ bej tuʼux kin máanoʼ.
Le máaxoʼob taak u beetkoʼobten looboʼ táan u tʼaanoʼob tin contra.+
Mantatsʼ táan u x-mukul tʼaanoʼob tiʼ bix jeʼel u tuskenoʼobeʼ.
13 Pero jeʼex juntúul máak kóokeʼ, mix baʼal tin wuʼuyaj.+
Jeʼex juntúul mudoeʼ,* mix baʼal tin waʼalaj.+
14 Beyen kaʼach juntúul máak kóokeʼ,pʼáat xan maʼ tu páajtal in waʼalik mix baʼal utiaʼal in defenderkinba.
15 Yuum Jéeoba in Dios, tiʼ teech tin kʼubaj in wóol.+
Teech túuneʼ, Jéeoba Dios, ta wáanten.+
16 Teneʼ tin waʼalaj: «Maʼ u cheʼejtikenoʼob,mix u nojbaʼalkúuntkubaʼob wa ka lúubken».
17 Tumen jach taʼaytak kaʼach in jochʼkʼajal,maʼ tu xuʼulul kaʼach in muʼyaj.+
18 Teneʼ tin waʼalaj le baʼax maʼ maʼalob in beetmoʼ.+
Jach yaachajaʼan in wóol kaʼach yoʼolal in kʼeban.+
19 In enemigoʼobeʼ jach tʼaʼajoʼob* yéetel yaan u muukʼoʼob,yaʼab máaxoʼob pʼekmilen kex minaʼan baʼax oʼolal.
20 Tu boʼotoʼobten yéetel kʼaas le uts kin beetkoʼ,líikʼoʼob tin contra ikil in beetik baʼax maʼalob.
21 Jéeoba Dios, maʼ a pʼatken.
In Dios, maʼ a náachtalten.+
22 Jéeoba Dios, koʼoten tu séebaʼanil a wáanten,salvarteniʼ.+
