Salmos 112:1-10
112 ¡Alabartaʼak Jéeoba!*+
א [Alef]
Kiʼimak u yóol le máax ku respetartik Jéeobaoʼ,+ב [Bet]le máax jach uts tu tʼaan u beetik baʼax ku yaʼalik u leyoʼoboʼ.+
ג [Guimel]
2 U paalaleʼ yaan u yantal yaʼab páajtalil tiʼob way luʼumeʼ.
ד [Dalet]
U paalal le máax toj u kuxtaloʼ yaan u bendecirtaʼal.+
ה [Je]
3 Tu yotocheʼ yaan ayikʼalil bey xan baʼaloʼob koʼojtak,ו [Waw]yéetel u justiciaeʼ utiaʼal mantatsʼ.
ז [Zayin]
4 Utiaʼal le máaxoʼob toj u kuxtaloʼoboʼ letiʼeʼ bey junpʼéel sáasil ku juul tuʼux éeʼjochʼeʼeneʼ.+
ח [Jet]
Letiʼeʼ jach uts, ku chʼaʼik óotsilil+ yéetel ku beetik baʼax maʼalob.
ט [Tet]
5 Maʼalob u bin tiʼ le máax ku tsʼáaik le baʼax ku kʼáataʼal majáantbil tiʼoʼ.+
י [Yod]
Tuláakal baʼax ku beetkeʼ toj.
כ [Kaf]
6 Letiʼeʼ mix bikʼin kun péeksbil tuʼux yaan.+
ל [Lamed]
Le máax beetik baʼax maʼaloboʼ mix bikʼin kun tuʼubsbil.+
מ [Mem]
7 Maʼ ken u chʼaʼ saajkil le kéen u yojéelt yaan baʼaloʼob kʼaastak ku yúuchul.+
נ [Nun]
Tranquilo yanil tumen u kʼubmaj u yóol tiʼ Jéeoba.+
ס [Samek]
8 Letiʼeʼ mix baʼal beetik u péek u yóol, maʼ saajkiʼ.+
ע [Ayin]
Tu tsʼookeʼ yaan u yilik bix kun tsʼoʼokol tiʼ u enemigoʼob.+
פ [Pe]
9 Tsʼoʼok u tʼoxik yaʼab baʼaloʼob, tsʼoʼok u tsʼáaik tiʼ le máaxoʼob óotsiloʼoboʼ.+
צ [Tsade]
U justiciaeʼ utiaʼal mantatsʼ.+
ק [Kof]
Yaan u beetaʼal u maas antal u páajtalil.
ר [Reix]
10 Le kéen u yil le kʼasaʼan máak bix u bintiʼoʼ yaan u pʼuʼujul.
ש [Xin]
Yaan u karachʼtik u koj, hasta bey yaan u yíibileʼ.
ת [Taw]
Le baʼax ku tsʼíiboltik le kʼasaʼan máakoʼoboʼ maʼ kun béeytal.+
Notas
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
