Proverbios 31:1-31
31 Lelaʼ u tʼaanoʼob rey Lemuel, letiʼe baʼaloʼob kʼaʼanaʼantak aʼalaʼabtiʼ tumen u maama utiaʼal u kaʼansaʼaloʼ:+
2 In paal, uʼuy baʼax ken in waʼaltech,in paal, teen taasech yóokʼol kaab, chʼenxikinteniʼ,in paal, teneʼ tin beetaj junpʼéel voto ta woʼolal, uʼuy baʼax ken in waʼaltech.+
3 Maʼ a xupik a muukʼ yéetel le koʼoleloʼoboʼ,+mix a bin tiʼ le bej ku xuʼulsik tiʼ reyoʼoboʼ.+
4 Lemuel, lelaʼ maʼ utiaʼal reyoʼobiʼ,maʼ utiaʼal reyoʼob u yukʼikoʼob vinoiʼ,le máaxoʼob ku gobernaroʼoboʼ maʼ unaj u yaʼalikoʼob: «¿Tuʼux yaan le baʼal in wukʼoʼ?».+
5 Wa ku yukʼikoʼobeʼ jeʼel u tuʼubsikoʼob le baʼax aʼalaʼanoʼyéetel jeʼel u mixbaʼalkúuntikoʼob le derecho yaan tiʼ le óotsiloʼoboʼ.
6 Tsʼaʼabak baʼal u yukʼ le máaxoʼob yanoʼob tu chiʼ kíimiloʼ+yéetel tsʼaʼabak vino tiʼ le máaxoʼob jach yaachajaʼan u yóoloʼoboʼ.+
7 Ka u yukʼoʼob utiaʼal u tuʼubsik u yóotsililoʼob,utiaʼal u tuʼubultiʼob le baʼax ku yúuchultiʼoboʼ.
8 Tʼaanen utiaʼal a defendertik le máax maʼ tu páajtal u defenderkubaoʼ,defendert u derecho tuláakal le máaxoʼob yanoʼob tu chiʼ kíimiloʼ.+
9 Tʼaanen yéetel beet justicia,defendert le derecho yaan tiʼ le óotsiloʼoboʼ bey xan le máaxoʼob óoliʼ mix baʼal yaantiʼoboʼ.+
א [Alef]
10 ¿Máax jeʼel u páajtal u kaxtik juntúul maʼalob atantsileʼ?+
Juntúul atantsil beyoʼ maas koʼoj u tojol ke u jatsʼuts tuunichil coral.
ב [Bet]
11 U yíichameʼ ku kʼubik u yóol tiʼ letiʼ yéetel tuláakal u puksiʼikʼal,le íichamtsil túunoʼ ku jóoʼsik u yutsil ikil u yáantaʼal tumen u yatan.
ג [Guimel]
12 Letiʼeʼ ku beetik u bin utsil tiʼ u yíicham, maʼatech u beetik u bin kʼaasil tiʼ,bey u beetik tuláakal u kʼiiniloʼob u kuxtaloʼ.
ד [Dalet]
13 Letiʼeʼ ku kaxtik lino bey xan uláakʼ kiʼichkelem telaʼob,letiʼeʼ kiʼimak u yóol ikil u meyaj yéetel u kʼaboʼob.+
ה [Je]
14 Letiʼeʼ bey jeʼex u barco le j-koonoloʼoboʼ,+desde náach ku taasik le baʼax ken u jaantoʼ.
ו [Waw]
15 Maʼ píikʼik táan u líikʼliʼ,letiʼeʼ ku tsʼáaik baʼal u jaant u yotochbey xan baʼal u jaant u x-meyajoʼob.+
ז [Zayin]
16 Le kéen tsʼoʼokok u jach ilik junpʼéel luʼumeʼ ku manik.
Le baʼax ku náajaltikoʼ* ku meyajtiʼ utiaʼal u pakʼik uva.
ח [Jet]
17 Ku líiʼskuba utiaʼal chichich meyaj,+ku preparartik u kʼaboʼob utiaʼal le meyajoʼ.
ט [Tet]
18 Letiʼeʼ ku yilik ka xiʼik maʼalobil tiʼ le meyaj ku beetkoʼ,u lámparaeʼ maʼatech u tuʼupul de áakʼab.
י [Yod]
19 Yéetel junpʼéel u kʼabeʼ ku machik le ruecaoʼ,yéetel uláakʼ junpʼéel u kʼabeʼ ku machik le husooʼ.*+
כ [Kaf]
20 Letiʼeʼ ku tichʼik u kʼab tiʼ le máaxoʼob óoliʼ mix baʼal yaantiʼoboʼ,yéetel ku jeʼekʼabtik u kʼab tiʼ le óotsiloʼoboʼ.+
ל [Lamed]
21 Letiʼeʼ tu kʼiinil táan u kʼáaxal nieveeʼ maʼatech u chiʼichnaktal yoʼolal u yotoch,tumen tuláakal u yotocheʼ piixil yéetel nookʼoʼob kʼíinaltakoʼob.*
מ [Mem]
22 Letiʼ beetik le nookʼoʼob ikil u pixik u camaoʼ.
U nookʼeʼ de lino yéetel de lana* color morado.
נ [Nun]
23 U yíichameʼ jach kʼaj óolaʼan tu joonajiloʼob le kaajoʼ,+letiʼeʼ tiʼ ku kutal ichil u nuuktakil le luʼum tuʼux kajaʼanoʼ.
ס [Samek]
24 Letiʼeʼ ku beetik yéetel ku konik nookʼoʼob de lino,ku beetik xan kʼaxnakʼoʼob utiaʼal u tsʼáa tiʼ le j-koonoloʼoboʼ.
ע [Ayin]
25 Letiʼeʼ maʼ saajkiʼ, ku respetartaʼal tumen u maasilyéetel maʼ sajak tiʼ baʼax ku taal u kʼiiniliʼ.*
פ [Pe]
26 Letiʼeʼ ku jeʼekʼabtik u chiʼ yéetel naʼat,+yéetel u yaakʼeʼ ku kaʼansaj yéetel yaabilaj.
צ [Tsade]
27 Letiʼeʼ ku jach ilik baʼax ku yúuchul ichil u yotoch,letiʼeʼ junpuliʼ maʼ maʼakʼóoliʼ.+
ק [Kof]
28 Kéen líikʼik u paalaloʼobeʼ ku alabartaʼal.
Kéen líikʼik u yíichameʼ ku alabartaʼal.
ר [Reix]
29 Yaʼab koʼoleloʼob yaan u naʼatoʼob,pero techeʼ... techeʼ maas yaan a naʼat tiʼ letiʼob.
ש [Xin]
30 Le jatsʼutsiloʼ jeʼel u tusik máakeʼ, le kiʼichpaniloʼ séeb jeʼel u máaneʼ,*+pero le koʼolel ku respetartik Jéeobaoʼ yaan u alabartaʼal.+
ת [Taw]
31 Juntúul koʼolel beyoʼ unaj u boʼotaʼal yoʼolal le baʼax ku beetkoʼ,+unaj u alabartaʼal tu joonajiloʼob le kaaj tu yoʼolal le baʼaxoʼob ku beetkoʼ.+
Notas
^ Ich hebreoeʼ ku yaʼalaʼal kaʼach «U yich u kʼaboʼobeʼ».
^ Le rueca yéetel husooʼ kaʼapʼéel mejen cheʼob ku meyaj kaʼach utiaʼal u baʼakʼal wa u beetaʼal hilo.
^ Ich hebreoeʼ ku yaʼalaʼal kaʼach «kaʼayáal yaniloʼob».
^ Wa «tela beetaʼan yéetel u tsoʼotsel taman».
^ Wa «ku cheʼejtik baʼax ku taal u kʼiin».
^ Wa «maʼ xaaneʼ mix baʼal u biilal».
