Job 26:1-14
26 Job túuneʼ tu yaʼalaj:
2 «Techeʼ, ¡jach túun tsʼoʼok a wáantik le máax lubaʼan u yóoloʼ!
¡Jach túun tsʼoʼok a salvartik le máax minaʼan u muukʼoʼ!+
3 ¡Jach túun maʼalob consejo tsʼoʼok a tsʼáaik tiʼ le máak minaʼan u naʼatoʼ!+¡Jach túun tsʼoʼok a weʼesik bukaʼaj naʼat yaantech!
4 ¿Taak wa a kaʼansiken?
¿Máax péeksikech a waʼal baʼaloʼob beyoʼ?
5 Tak le kimenoʼob ku kikilankiloʼoboʼ,kex maas taam yaniloʼob tiʼ le kʼáaʼnáab yéetel tiʼ le baʼaxoʼob kajaʼanoʼob ichiloʼ.
6 Dioseʼ chíikaʼan u yilik tuláakal baʼax yaan ichil le Muknaloʼ,*+chíikaʼan u yilik tuláakal baʼax ku yúuchul teʼ tuʼux ku xuʼulul tiʼ máakoʼ.*
7 Tu jayaj le kaʼan teʼ tuʼux mix baʼal yanoʼ,+yéetel le luʼumoʼ chʼúuykab úuchik u pʼatik, mix tuʼux etsʼekbal.
8 Ku beetik u chuʼupul le múuyaloʼob yéetel jaʼoʼ,+kex ku sen chuʼuploʼobeʼ maʼ tu xíikloʼob.
9 Ku pixik u tronole kéen u jay junpʼéel múuyal tu yóokʼol.+
10 U tsʼaamaj tuʼux unaj u náakal u jaʼil le kʼáaʼnáaboʼ.+
U tsʼaamaj tuʼux unaj u náakal le sáasiloʼ bey xan le éeʼjochʼeʼeniloʼ.
11 Le kéen tʼaanak kʼaʼameʼku péek yéetel ku tíitkuba le columnaʼob tuʼux etsʼekbal le kaʼanoʼ.
12 Yéetel u podereʼ ku beetik u woʼoltikuba le kʼáaʼnáaboʼ.+
Tumen jach yaan u naʼateʼ ku xeʼexetʼik le nojoch baʼalcheʼ* kajaʼan teʼ kʼáaʼnáaboʼ.+
13 Ku meyajtiʼ le iikʼ utiaʼal u pʼatik minaʼan múuyaloʼob teʼ kaʼanoʼ.
Yéetel u kʼabeʼ ku kíimsik le kaan jach chich u máanoʼ.
14 Leloʼobaʼ chéen jujunpʼéel tiʼ le bukaʼaj baʼaloʼob u beetmoʼ.+
¡Le baʼaxoʼob tsʼoʼok k-uʼuyik tu yoʼolaloʼ jach chéen junpʼíit!
Le oʼolaleʼ, ¿máax jeʼel u kʼuchul u naʼat bix u beetik u kíilbal le cháakoʼ?».+
