Job 14:1-22
14 U kuxtal wíinikeʼ jach kóom,+tsʼoʼoleʼ chuup yéetel problemas.+
2 Ku xíitil bey junpʼéel looleʼ tsʼoʼoleʼ ku tijil.*+
Ku kʼáatmáan jeʼex junpʼéel boʼoyeʼ, tsʼoʼoleʼ ku saʼatal.+
3 Kex beyoʼ táan a jach ilik baʼax ku beetik,yéetel ka bisik utiaʼal ka juzgartaʼak.*+
4 ¿Jeʼel wa u síijil juntúul máak minaʼan u kʼeban tiʼ juntúul kʼeban máakeʼ?+
¡Maʼatan!
5 Wa aʼalaʼan jaypʼéel kʼiinoʼob kun kuxtal máakeʼ,le jaypʼéel meses kun kuxtaloʼ tiaʼan ta kʼabeʼ.
Techeʼ a tsʼaamaj tuʼux kun náakal utiaʼal maʼ u píitmáaniʼ.+
6 Chaʼa u jeʼelel, maʼ u seguer a chʼúuktik baʼax ku beetik,chaʼa u tsʼoʼoksik le kʼiinoʼob a tsʼaamajtiʼ jeʼex le kʼiinoʼob tsʼaʼan tiʼ juntúul máak contratartaʼan meyajoʼ.+
7 Tak junkúul cheʼeʼ yaan esperanza tiʼ.
Kex ku chʼaʼakleʼ ku kaʼa jóokʼol,yéetel ku nuuktal u kʼuʼukʼoʼob.
8 Wa ku tijil u moots teʼ luʼumyéetel ku kíimil u chuuneʼ,
9 le kéen taalak junpʼíit jaʼeʼ ku kaʼa jóokʼol,ku kaʼa jóokʼol u gajosil jeʼex junpʼéel túumben paakʼaleʼ.
10 Pero le kéen kíimik máakeʼ tiʼ ku pʼáatliʼ,le kéen kíimik máakeʼ tsʼoʼok tiʼ beyoʼ.+
11 U jaʼil le kʼáaʼnáaboʼ ku pʼáatal minaʼan,u jaʼil junpʼéel ríoeʼ ku tijil.
12 Máak xaneʼ le kéen chilakeʼ maʼ tu kaʼa líikʼil.+
Mientras maʼ xuʼulsaʼak tiʼ le kaʼanoʼ maʼ kun ajal,mix kun ajsbil.+
13 ¡Bukaʼaj maʼalobil ka béeyak a taʼakiken teʼ Muknal*+tak ken máanak a pʼujaʼaniloʼ,ka a waʼal jaypʼéel kʼiinoʼob ken in beetiʼ le kéen tsʼoʼokkeʼ ka kʼaʼajsiken!+
14 Le kéen kíimik máakeʼ, ¿jeʼel wa u páajtal u kaʼa kuxtaleʼ?+
Yaan in páaʼtik le jaypʼéel kʼiinoʼob kʼaʼabéetoʼtak ken kʼuchuk u kʼiinil in jáalkʼabtaʼal tiʼ le kíimiloʼ.+
15 Le kéen a tʼaneneʼ yaan in núukiktech.+
Yaan a tsʼíiboltik a kaʼa ilik le máax a beetmaj yéetel a kʼaboʼoboʼ.
16 Pero beoraaʼ chéen táan a jach paktik tuláakal baʼax kin beetik,chéen ka wilik le baʼaloʼob maʼ maʼalobtak kin beetkoʼ.
17 A tsʼaamaj tiʼ junpʼéel bolsa le baʼaxoʼob maʼ maʼalob in beetmoʼyéetel a takʼmaj yéetel pegamento.
18 Jeʼex junpʼéel montaña ku níikil yéetel ku júutul,jeʼex junpʼéel tuunich ku péek tu lugareʼ,
19 jeʼex u jaantaʼal le tuunichoʼob tumen le jaʼoʼ,jeʼex u bisaʼal le luʼum tumen le jaʼ ku kʼáaxloʼbey xan a luʼsik le baʼax ku páaʼtik máakoʼ.
20 Ka pechʼik tak ken kíimik,+ku tsʼoʼokol a beetik u jelpajal bix u yilaʼaleʼ ka túuxtik yáanal luʼum.
21 Wa ku alabartaʼal u paalaleʼ letiʼeʼ maʼ u yojliʼ,wa ku mixbaʼalkúuntaʼal u paalaleʼ letiʼeʼ maʼ tu tsʼáaik cuenta.+
22 Ku muʼyaj chéen mientras kuxaʼan,ku yáakam chéen mientras maʼ kíimkiʼ».
Notas
^ Uláakʼ bix u traducirtaʼaleʼ «ku xoʼotol».
^ Wa «ka bisik tu táan juez utiaʼal ka múul juzgartaʼakeʼex».
^ Ilawil página 2572.
