Le noticiaʼoboʼ chéen ku tʼaanoʼob tiʼ le baʼaloʼob ku yaʼalik wa ku beetik le máakoʼob u pʼekmoʼob u maasiloʼ, jeʼex u kíimsaʼal máak chéen tumen pʼektaʼan, tumen yaanal u raza wa tu yoʼolal le guerraʼoboʼ.

•   «Bejlaʼeʼ jach táaj yaan pʼektajil tu yoʼolal le guerra yaan Israel yéetel Gazaoʼ, bey xan tu yoʼolal le baʼaloʼob kʼaastak ku yaʼalik le máakoʼob teʼ redes socialesoʼ» (15 tiʼ noviembre tiʼ 2023, The New York Times).

•   «Desde tu kʼiinil 7 tiʼ octubreeʼ ilaʼabeʼ tiʼ tuláakal yóokʼol kaabeʼ tsʼoʼok u maas jach yaʼabtal le pʼektajiloʼ bey xan u kíimsaʼal máak chéen tumen pʼektaʼan» (3 tiʼ noviembre tiʼ 2023, Dennis Francis, presidente de la Asamblea General de las Naciones Unidas).

 Desde jach úuchjeakileʼ ku yaʼalaʼal baʼaloʼob kʼaastak tu contra u maasil, ku beetaʼal loob yéetel yaan guerraʼob. Le Bibliaoʼ ku yaʼalik: «Le baʼaloʼob kʼaastak ku yaʼalikoʼoboʼ beyoʼob flechaʼob ku tsʼáaikoʼob tu tojil máakeʼ» (Salmo 64:3; 120:7; 140:1). Chéen baʼaleʼ le Bibliaoʼ ku yaʼalikeʼ le u sen yantal pʼektajil teʼ kʼiinoʼobaʼ yaan baʼax ku chíikbesik.

 Le Bibliaoʼ ku yaʼalik yaan kaʼapʼéel baʼax oʼolal jach yaan pʼektajil bejlaʼeʼ.

1.  1. U yaʼalmeʼ tu tsʼook kʼiinoʼobeʼ «óoliʼ tuláakal máak kun pʼáatal minaʼan u yaabilaj» (Mateo 24:12). Le máakoʼoboʼ tu lugar u yeʼeskoʼob yaabilajeʼ yaan u yaʼalikoʼob yéetel yaan u beetkoʼob baʼaloʼob kun beetik u pʼektikuba u maasil (2 Timoteo 3:1-5).

2.  2. Le bix u pʼektikuba le máakoʼob bejlaʼoʼ ku yeʼesik táan u nuʼuktaʼaloʼob tumen Satanás. Le Bibliaoʼ ku yaʼalikeʼ, «u túulisil yóokʼol kaabeʼ tiaʼan yáanal u páajtalil le Kʼaasilbaʼaloʼ» (1 Juan 5:19; Apocalipsis 12:9, 12).

 Chéen baʼaleʼ le Bibliaoʼ ku yaʼalik xaneʼ maʼ tun xáantaleʼ Dioseʼ yaan u xuʼulsik tuláakal le baʼaxoʼob beetik u pʼektikuba máakoʼ. Ku yaʼalik:

•   Dioseʼ «yaan u choʼik tuláakal u jaʼil u yichoʼob, maʼ tun yantal kíimil mix okʼol, mix kʼiʼinamil yéetel mix máak kun muʼyaj. Le baʼaloʼob suuk u yúuchul kaʼachoʼ tsʼoʼok u máanoʼob» (Apocalipsis 21:4).