Como káajal ku beetik le año 2023, tuláakloʼon k-kʼáat ka xiʼiktoʼon utsil bey xan tiʼ k-láakʼtsiloʼob. Chéen baʼaleʼ, ¿jach wa tu jaajil jeʼel u yúuchul leloʼ?

 Le Bibliaoʼ ku yaʼalikeʼ maʼ kun xáantaleʼ tuláakal le problemas yaan teʼ kʼiinoʼobaʼ yaan u xuʼulul. Jach beyoʼ, «tuláakal le baʼaxoʼob tsʼíibtaʼaboʼob úuchjeakiloʼ tsʼíibtaʼaboʼob utiaʼal k-kaanbal, utiaʼal beyoʼ [...] ka k-páaʼt le baʼax ken u tsʼáatoʼon Diosoʼ» wa ka yanaktoʼon esperanza (Romanos 15:4).

•   Utiaʼal a kanik u maasil yoʼolal le jatsʼuts esperanza ku tsʼáaik le Bibliaoʼ ilawil le xook ich español «La esperanza real de un mañana mejor».

 Le esperanza ku tsʼáaik le Bibliaoʼ «bey junpʼéel ancla utiaʼal k-kuxtaleʼ» (Hebreos 6:19). Le esperanzaoʼ ku yáantkoʼon k-il baʼax ken k-beet le kéen yanaktoʼon problemas, ku yáantkoʼon xan utiaʼal maʼ u séeb lúubul k-óol bey xan utiaʼal ka yanaktoʼon kiʼimak óolal mantatsʼ. Ilawil jujunpʼéel ejemploʼob eʼesik bix u yáantik máak le Bibliaoʼ:

•   Utiaʼal a wilik bix úuchik u yantal esperanza tiʼ juntúul máak yaan kaʼach junpʼéel vicio tiʼeʼ chaʼant le video «Káaj in pʼektik le kuxtal kin bisik kaʼachoʼ».

•   Utiaʼal a wilik bix u yáantik máak le esperanza ku tsʼáaik le Biblia le kéen kíimik juntúul máax u yaabiltmoʼ chaʼant le video «Yaj u muʼyaj máak kéen kíimik wa máax tiʼ».

 Yaʼab máakoʼobeʼ u kʼáatoʼob ka úuchuk baʼaloʼob maʼalobtak, chéen baʼaleʼ u yojloʼob maʼ seguro xan u yúuchliʼ. Lelaʼ maʼ bey u yúuchul yéetel le promesaʼob yaan teʼ Bibliaoʼ. ¿Baʼaxten k-aʼalik beyoʼ? Tumen le promesaʼoboʼ tiʼ Jéeoba Dios a u taal yéetel «letiʼeʼ maʼ tu páajtal u tuus» (Tito 1:2). Chéen tiʼ Jéeoba yaan u poderil u béeykuntik tuláakal u promesaʼob, letiʼeʼ jeʼel u «beetik tuláakal baʼax» kʼaʼabéet utiaʼal u béeykuntikeʼ (Salmo 135:5, 6).

 K-invitarkech utiaʼal a kanik u maasil yoʼolal le jatsʼuts esperanza ku tsʼáaik le Bibliaoʼ. Utiaʼal a maas confiar tiʼ le jatsʼuts promesaʼoboʼ unaj a «xakʼalxoktik [...] tubeel u Tʼaan Dios» (Hechos 17:11). Wa a kʼáat a kan u maasileʼ kʼáat ka tsʼaʼabaktech xook yéetel le Bibliaoʼ, lelaʼ gratis. ¡Wa ka beetik beyoʼ yaan u yantaltech junpʼéel jatsʼuts esperanza utiaʼal le año 2023!