Tiʼ yaʼab luʼumiloʼobeʼ le autoridadoʼoboʼ tsʼoʼok u yaʼalikoʼob tiʼ le máakoʼob maʼ u muchʼkubaʼoboʼ. U testigoʼob Jéeobaeʼ ku beetkoʼob le baʼaxoʼob ku yaʼalik le autoridadoʼoboʼ le oʼolal utiaʼal u beetkoʼob videoconferenciaseʼ ku meyajtiʼob le aplicación Zoom utiaʼal u páajtal u muchʼkubaʼoboʼ.

 Utiaʼal maʼ u xuʼulul k-adorartik Dios junmúuchʼ yéetel le sukuʼunoʼoboʼ le Cuerpo Gobernanteoʼ tu yaʼalaj ka meyajnak le donaciónoʼob utiaʼal u páajtal u usartaʼal le aplicación Zoom teʼ múuchʼuliloʼoboʼ. Lelaʼ jach tsʼoʼok u yáantik yaʼab sukuʼunoʼob tumen yaneʼ maʼ tu páajtal u boʼotik le 15 wa tak máas tiʼ 20 dólares ku tojoltik tiʼ máak u meyajtiʼ le aplicaciónoʼ. Le sukuʼunoʼoboʼ ku meyajtiʼob kaʼach aplicaciónoʼob maʼatech u cobrartaʼal, chéen baʼaleʼ maʼ yaʼab máak ku páajtal u conectariʼ tsʼoʼoleʼ jeʼel máaxak jeʼel u páajtal u yookleʼ. Chéen baʼaleʼ desde ka káaj u meyaj le aplicación Zoom teʼ múuchʼuliloʼoboʼ maas yaʼab máak jeʼel u páajtal u conectareʼ tsʼoʼoleʼ maʼ jeʼel máaxak jeʼel u páajtal u yookleʼ. Tak bejlaʼeʼ maas tiʼ 65,000 múuchʼuliloʼob yaan ich maas tiʼ 170 luʼumiloʼobeʼ táan u meyajtiʼob le aplicaciónaʼ.

 U múuchʼulil Kairagi, yaan tu noj kaajil Manadoeʼ (Célebes Septentrional, Indonesia), xuʼul u meyajtiʼ junpʼéel aplicación maʼatech u cobrartaʼaleʼ ka káaj u meyajtiʼ le aplicación Zoomoʼ. Le sukuʼun Hadi Santosoʼ ku yaʼalik: «Tak le sukuʼunoʼob maʼ u jach yojloʼob u manejartoʼob celular wa tabletoʼ maas ku disfrutarkoʼob le reuniónoʼ tumen maʼ láalaj hora kʼaʼabéet u conectarkubaʼobiʼ».

 Léster Jijón hijotsil, juntúul sukuʼun yaan teʼ múuchʼulil teʼ Guayacanes Oesteo’ (Guayaquil, Ecuador), ku yaʼalik: «Le sukuʼunoʼoboʼ maʼ yaʼab taakʼin yaantiʼobiʼ le oʼolal maʼ tu páajtal u boʼotkoʼob le bajux ku tojoltik utiaʼal u meyajtiʼob le aplicación Zoom utia’al u láaj conectarkuba’obo’. Chéen baʼaleʼ ikil áantaʼabikoʼon tumen le Cuerpo Gobernanteoʼ bejlaʼeʼ yaantoʼon le aplicaciónoʼ, beyoʼ ku páajtal k-invitartik uláakʼ máakoʼob utiaʼal u conectarkubaʼob teʼ reuniónoʼ».

 Jhonson Mwanza, juntúul sukuʼun yaan teʼ múuchʼulil Norte Ngwerere yaan tu noj kaajil Lusakaoʼ (Zambia), tu tsʼíibtaj: «Le sukuʼunoʼoboʼ yaʼab u téenel tsʼoʼok u yaʼalikoʼob: ‹Le úuchik u boʼotaʼal u meyajtoʼon le aplicación Zoom tumen le organizaciónoʼ ku beetik k-uʼuyik maas naatsʼ yaniloʼon tiʼ le sukuʼunoʼoboʼ tsʼoʼoleʼ ku yeʼesik xan jach yaabiltaʼanoʼon tumen Jéeoba›».

 Le taakʼin utiaʼal u meyaj le aplicación Zoom tiʼ le sukuʼunoʼoboʼ chʼaʼab tiʼ le taakʼin ku tsʼaʼabal utiaʼal u yáantaʼal le máaxoʼob tuʼux uchaʼan nukuch loobiloʼoboʼ. Le taakʼinoʼ ku yantal chéen yoʼolal le donaciónoʼob ku tsʼaʼabaloʼ. Yaan máaxeʼ ku yokol teʼ sitio donate.isa4310.com utiaʼal u síikoʼob wa bajuxoʼ. Jach diosboʼotik yoʼolal le donaciónoʼob ka tsʼáaikeʼexoʼ tumen ku meyaj xan utiaʼal uláakʼ nukuch loobiloʼob ku yantal tiʼ tuláakal yokʼol kaab (2 Corintios 8:14).