UMBUESÁ 02

Bíblia uxari yasarú purangawaá yané rundé kití

UYUPIRŨ

Pañhe kuá mundo upé miraitá ta usasá iwasuwaá rupí. Yawewaá resewara ta uyusaã sasiára, ta uyuka ta piá asuí ta upurará sasiwaá irum. Reyusaã será kuayé? Amuramé kuírité repurará reikú yepé masí irum u yepé ne anamaitá umanũ ne suí. Ape repurandú ne suí: ‘Será kuá mundo usú uyumupuranga?’ Resú repitá surí Bíblia uñheẽwaá irum.

1. Maã purangawaá Bíblia uxari yasarú yané rundé kití?

Bíblia umbeu marã pañhe kuá mundo uikú puxiwera. Ma Bíblia umbeu yuíri uri kurí purangawaá: pañhe purarasá usú upawa. Bíblia promessaitá umuñhã yasarú ‘yepé vida purangawaá’. (Releri Jeremias 29:11, 12) Bíblia promessa umukirimbá yandé yasasá ramé iwasuwaá rupí asuí umusurí yandé. Asuí yuíri uajudari yaikú arama surí kuírité asuí pañhe ara.

2. Maã Bíblia uprometeri usasá arama yané rundé kití?

Bíblia uñheẽ ‘ti kurí aintá uyaxiú manũsá resewara, ti kurí yuíri sasiára aintá, ti yuíri kurí aintá upurará sasí’. (Releri Apokalipse 21:4) Pañhe maã umupurarawaá yandé kuíri— mayé pirasuasá, maã tiwaá satambika, masí asuí manũsá —ta usú ta ukañhemu. Bíblia uprometeri miraitá ta usú kurí ta uviveri surí pañhe ara yepé paraíso upé iketé iwí upé.

3. Mayé repoderi reruyari pañhe maã Bíblia uñheẽwaá usú uyumuñhã?

Pañhe yandé yaputari purangawaá. Ma siya miraitá ti ta ukuá pañhe maã usú umupuranga. Ma Bíblia ti uyawí ukuntari. Releri ramé ‘muíri ara Bíblia’, indé resú reruyari pañhe maã umbeuwaá usú uyumuñhã. (Ato 17:11) Reyumbué ramé puranga Bíblia resé usú uajudari reruyari arama maã resé umbeuwaá yané rundé kití.

REYUMBUÉ PIRI ARAMA

Remaã iké yepeyepé maã Bíblia uprometeriwaá yané rundé kití. Remaã yuíri mayé Bíblia promessaitá uajudari uikú miraitá kuíri.

4. Bíblia uprometeri yapoderi yaviveri pañhe ara purarasaíma

Iké resú remaã yepeyepé Bíblia promessa. Mayewaá regustari piri? Marã taá reparawaka aé?

Peleri kuá versículoitá kuá promessaitá resé. Ariré pekuntari kuá resé:

Indé reyusaã surí kuá Bíblia promessaitá rupí? Remanduari yepé mira u ne anamaitá u yepé ne rumuara upoderiwaá ugustari kuá Bíblia promessaitá?

Mayé reyusaã rerikú raméma yepé vida purangawaá kuayé:

NE AWÁ USÚ . . .	PAÑHE AWÁ USÚ . . .
usaã sasiwaá, upurará, ne upitá tuyué ne umanũ. — Isaías 25:8.	umaã miraitá usaisuwaá ta upaka manũsá suí. — João 5:28, 29.
upitá imasí ne unasceriwaá matiri. — Isaías 33:24; 35:5, 6.	urikú ipira kirimbá asuí masiíma. — Jó 33:25.
upurará tiwaá rupí satambika. — Isaías 32:16, 17.	urikú siya timbiú, uka purangawaá asuí kupixá u murakí purangawaá. — Salmo 72:16; Isaías 65:21, 22.
upurará guerra resewara. — Salmo 46:9.	uviveri surí asuí ne maã resé. — Salmo 37:11.
upitá sasiára usasawaá kuera rupí puxiwera ivida upé. — Isaías 65:17.	uviveri puranga pañhe ara. — Salmo 37:29.

5. Bíblia promessaitá ta upoderi ta umupuranga ne vida

Siya miraitá ta upitá sasiára asuí ta piaíwa ta umaã ramé puxiwerawaá kuá mundo upé. Yepeyepé miraitá ta usikari ta umupuranga kuá mundo ta rupité. Remaã mayé Bíblia promessa uajudari uikú miraitá. Pemaã kuá VÍDEO. Ariré pekuntari kuá resé:

VÍDEO: Aputari miraitá ta uviveri yepewasú (4:07)

Kuá vídeo upé, maã tiwaá satambika umusasiára Rafika?
Kuá tiwaá satambika ti upawa. Yawewaá suité, mayé Bíblia uajudari Rafika?

Maã Bíblia uprometeriwaá yané rundé kití upoderi uajudari yaikú arama surí yasasá ramé iwasuwaá rupí. Peleri Provérbios 17:22 asuí Romawaraitá 12:12. Ariré pekuntari kuá resé: