UMBUESÁ 01
Mayé Bíblia upoderi uajudari yandé?
Pañhe yandé yapurandú: Marã taá yapurará? Marã taá yamanũ? Maã kurí usú usasá yané rundé kití? Pañhe yandé yayupreocupari yaikú arama seguro, yarikú arama yané murakí, aikué arama timbiú yané anamaitá supé asuí yaikú arama surí. Bíblia uajudari uikú siya miraitá ta ukuá arama maã ta uputariwaá ta ukuá. Aé urikú maã yaprecisariwaá yaikú arama surí. Supí será Bíblia upoderi uajudari yandé?
1. Maã resé Bíblia usuaxara?
Bíblia usuaxara pañhe maã yaputariwaá yakuá. Awá taá umuñhã yandé? Marã taá yaviveri kuá mundo upé? Marã taá miraitá ta upurará? Maã usasá mairamé yepé mira umanũ? Marã taá aikué guerra kuá mundo upé? Maã usú kurí usasá kuá iwí irum? Amuramé yapurandú kuá resé. Siya miraitá ta upitá surí Bíblia uñheẽwaá irum supí.
2. Mayé Bíblia upoderi uajudari yaviveri arama surí muíri ara?
Bíblia uajudari yandé yaikú arama surí yané anamaitá irum, yasasá ramé iwasuwaá rupí asuí yagustari arama yané murakí. Kuá papera usú uajudari reyumbué arama maã Bíblia umbeu kuá resé asuí siya amú maã resé yuíri. Resú remaã ‘pañhe kuá ñheenga aintá umpinimawaá, puranga umbué yandé’. — 2 Timóteo 3:16.
Kuá papera aé yepé ajuda rekuá piri arama Bíblia resé. Yawé arama releri pañhe Bíblia versículoitá aikuewaá kuá papera upé remaã arama maã reyumbuewaá reikú uikú Bíblia upé.
REYUMBUÉ PIRI ARAMA
Remaã mayé Bíblia uajudari yandé, mayé repoderi regustari releri Bíblia asuí marã puranga rerikú ajuda reentenderi arama aé.
3. Bíblia upoderi uajudari yawatá arama peé satambikawaá upé
Bíblia aé mayé yepé lanterna umuturiwaá yané rapé. Aé upoderi uajudari yandé yakuá arama yaparawaka puranga asuí umbeu maã resé usuwaá kurí usasá yané rundé kití.
Peleri Salmo 119:105. Ariré pekuntari kuá resé:
-
Maã umpinimawaá kuá salmo umanduari Bíblia resé?
-
Maã indé arama Bíblia?
4. Bíblia upoderi uajudari yakuá maã resé yaputariwaá yakuá
Remaã mayé Bíblia uajudari yepé umbuesara uwasemu maã resé uputariwaá ukuá. Pemaã kuá VÍDEO. Ariré pekuntari kuá resé:
-
Kuá vídeo upé, maã resé kuá umbuesara uputari ukuá?
-
Mayé uyumbué ramé Bíblia resé uajudari aé?
Bíblia umundú yasikari arama yakuá maã resé yaputariwaá yakuá. Peleri Mateu 7:7. Ariré pekuntari kuá resé:
-
Maã reputari Bíblia usuaxara indé arama?
5. Indé resú regustari releri Bíblia
Siya miraitá ta ugustari ta uleri Bíblia, kuá uajudari retana uikú aintá. Pemaã kuá VÍDEO. Ariré pekuntari kuá resé:
-
Mayé kuá vídeo uxari yakuá marã pisasuwaitá ti ta ugustari ta uleri livroitá?
-
Ma marã aintá ta ugustari ta uleri Bíblia?
Bíblia umbeuwaá umusurí yandé asuí uajudari yasarú purangawaá yané rundé kití. Peleri Romawaraitá 15:4. Ariré pekuntari kuá resé:
-
Reputari será rekuá piri maã resé Bíblia umbeuwaá?
6. Amú miraitá ta upoderi ta uajudari yayumbué arama Bíblia resé
Siya miraitá ta ugustari ta uleri Bíblia ta pesua, ma ta umaã puranga ta uyumbué ramé amú mira irum. Peleri Ato 8:26-31. Ariré pekuntari kuá resé:
-
Mayé yapoderi yakuá puranga Bíblia resé? (Remaã versículo 30 asuí 31.)
Kuá livro Ato upé, yepé apigá uprecisari ajuda uyumbué arama Bíblia resé. Siya miraitá ta umaã puranga ta uyumbué Bíblia resé amú mira ajuda irum.
YEPEYEPÉ MIRAITÁ TA UMBEU: “Teñhutu yaleri Bíblia”.
-
Será supí ta umbeuwaá?
MAÃ REYUMBUÉ
Bíblia upoderi uajudari yaviveri arama surí muíri ara, usuaxara maã yaputariwaá yakuá asuí umusurí yandé yasarú arama purangawaá yané rundé kití.
Remanduari arama
-
Maã resé Bíblia umbué?
-
Maã resé Bíblia usuaxara?
-
Maã resé reputari reyumbué Bíblia upé?
REPUTARI SERÁ REKUÁ PIRI?
Remaã mayé puranga maã Bíblia umbuewaá.
“Bíblia umbeuwaá ti uyutrocari” (A Sentinela, n.º 1 de 2018)
Remaã mayé Bíblia uajudari yepé apigá uikúwarawaá sasiára taína suíwara.
Remaã maã Bíblia umbuewaá uxari arama yaikú surí yané anamaitá irum.
“12 maãitá ta umuñhãwaá yané anamaitá ta uikú surí” (Despertai!, n.º 2 de 2018)
Siya miraitá ta umaité Deus umundú uikú kuá mundo upé. Supí será? Remaã maã Bíblia umbeu.
