Kuáita ñheenga purangawaá: Deus uputari yandé yaiku surí. Aé usu umbawa pañhe purarasá irum. Asuí usu umeẽ yepé vida puranga pañhe awá supé arama. Deus umuñhã kuá Iwí asuí pañhe maã aikuéwaá usaisu resewara yandé. Bíblia umbeu Jeremias 29:11 upé: “‘Ixé akuá maã aputari amuñhã peñhe arama’, umbeu Jeová. ‘Aputari peiku kurí puranga, umbá puxiwera. Aputari ameẽ peñhe arama yepé vida purangawaá.’”

Pañhe mamé ta umaramuñha, ta masi asuí ta umanu. Até kuíri, ne yepé guvernu upuderi umbawa kuá maãita irum. Ma aikué amu ñheenga puranga: Deus usu utrocari miraita guvernu, iguvernu rupí. Ti usu ukupuku usasá arama kuayé. Bíblia umbeu Daniel 2:44 upé: “Kuá reiita ta tempo ramé, Deus iwakapura umuñhã kurí yepé guvernu pisasu tiwaá kurí upawa. Kuá Reino ti usu usasá amu miraita supé. Usu umukañhemu pañhe mira guvernuita, asuí añhu kuá Reino upitá kurí pañhe ara.” Mairamé Deus umuñhã kuayé, miraita tiã ta usu ta usikié ne ta usu ta masi.​—Releri Apokalipse 21:4.

Ñhasé yapurará retana yaiku. Kuá yapurarawaá irum añhu usu upawa mairamé Deus umbawa miraita puxiwerawaá irum. (Sofonias 2:3) Mairamé aé usu umuñhã kuayé? Kuaírantuwana usu umuñhã. Yapuderi yakuá kuá resé pañhe maã rupí usasáwaá uiku kuá tempo upé. Bíblia umbeuwana pañhe maã puxiwerawaá usasá arama Deus umbawa rundé miraita puxiwerawaá irum.​—Releri 2 Timóteo 3:1-5.

Yaprecisari yayumbué Bíblia. Deus usaisu yandé asuí uxári Bíblia umbué arama yandé. Bíblia rupí Deus uñheẽ mayé yariku arama yepé vida puranga píri kuíri asuí maã yaprecisari yamuñhã yaviveri arama pañhe ara. Pañhe awá uputari uviveri pañhe ara, ti será? Yawé arama, reyumbuéwara Bíblia até sá yepéyepé mira ta uñheẽ repituú arama reyumbué.​—Releri Ebreoita 13:6; Apokalipse 14:6, 7.