MARCH 7, 2019
SOUTH KOREA
Wọ́n Ti Dá Gbogbo Ẹlẹ́rìí Jèhófà Tó Wà Lẹ́wọ̀n Torí Pé Ẹ̀rí Ọkàn Ò Jẹ́ Kí Wọ́n Ṣiṣẹ́ Ológun Sílẹ̀ ní South Korea
Ní February 28, 2019, wọ́n dá ẹni tó gbẹ̀yìn lára àwọn Ẹlẹ́rìí Jèhófà tó wà lẹ́wọ̀n torí àìdá sọ́rọ̀ òṣèlú sílẹ̀ ní South Korea. Gbogbo àwọn tí wọ́n dá sílẹ̀ náà dúpẹ́ torí òmìnira tí wọ́n rí gbà àti bí wọ́n ṣe sapá láti jẹ́ olóòótọ́ sí Jèhófà Ọlọ́run.
Lẹ́yìn ìdájọ́ tí Ilé Ẹjọ́ Gíga Jù Lọ ṣe ní November 1, 2018, tó fi hàn pé ẹni tí ẹ̀rí ọkàn rẹ̀ ò bá gbà láyè láti ṣiṣẹ́ ológun kì í ṣe ọ̀daràn, wọ́n ti dá arákùnrin márùndínláàádọ́rin (65) sílẹ̀. Ìdájọ́ yìí ló fòpin sí bí wọ́n ṣe ń ju àwọn tí ẹ̀rí ọkàn wọn ò jẹ́ kí wọ́n ṣiṣẹ́ ológun sẹ́wọ̀n látọdún márùndínláàádọ́rin sẹ́yìn.
Ìgbàgbọ́ àti ìṣòtítọ́ àwọn ará wa ní Korean jẹ́ kóríyá fún gbogbo wa láti ‘túbọ̀ máa fi ìgboyà’ àti òtítọ́ sin Ọba wa àti ìjọba rẹ̀. (Fílípì 1:14) À ń gbàdúrà fún àwọn ará wa tó ṣì wà lẹ́wọ̀n ní Eritrea, Rọ́ṣíà, Singapore àti Turkmenistan.—Hébérù 10:34.
O Tún Lè Wo
ÌRÒYÌN
Àwọn Ará ní South Korea Ní Ìgbàgbọ́ àti Ìgboyà—Wọ́n Kọ̀ Láti Wọṣẹ́ Ológun
Látọdún 1953 ni ìjọba orílẹ̀-èdè Korea ti ń fi àwọn ọ̀dọ́kùnrin tó jẹ́ Ẹlẹ́rìí Jèhófà sẹ́wọ̀n torí wọ́n kọ̀ láti wọṣẹ́ ológun. Àmọ́, èyí yí pa dà ní February 2019. Kọ́ nípa bí ọ̀rọ̀ ṣe wá dé ibi tó dé yìí.
ÌRÒYÌN
“Wọn Ò Jẹ̀bi”
ÌRÒYÌN
Àwọn Ẹlẹ́rìí Jèhófà ní South Korea Pàrọwà sí Ààrẹ Pé Kó Yanjú Ọ̀rọ̀ Àwọn Tí Ẹ̀rí Ọkàn Ò Jẹ́ Kí Wọ́n Ṣiṣẹ́ Ológun
Àwọn Ẹlẹ́rìí Jèhófà ń dúró de ìpinnu táwọn aláṣẹ máa ṣe lẹ́yìn tí wọ́n bá yiiri òfin tí ìjọba ti ń tẹ̀ lé látọdún yìí wá wò, èyí tó dá lórí ọ̀rọ̀ àwọn tí ẹ̀rí ọkàn ò jẹ́ kí wọ́n ṣiṣẹ́ ológun.
ÌRÒYÌN
Wọ́n Fi Àwọn Ẹlẹ́rìí Jèhófà Sẹ́wọ̀n Torí Ohun Tí Wọ́n Gbà Gbọ́—Ibì Kọ̀ọ̀kan
Àwọn ibi tí wọ́n ti fi àwọn Ẹlẹ́rìí Jèhófà sẹ́wọ̀n torí wọ́n ń ṣe ohun tí wọ́n gbà gbọ́, wọ́n sì ń lo ẹ̀tọ́ ọmọnìyàn tí wọ́n ní. Wọ́n máa ń hùwà ìkà sí wọn lẹ́wọ̀n nígbà míì.